Lyrics - Sirivennela





Pattudala-Eppudu Oppukovaddura

ఎప్పుడూ ఒప్పుకోవద్దురా

ఎప్పుడూ ఒప్పుకోవద్దురా ఓటమి

ఎప్పుడూ వదులుకోవద్దురా ఓరిమి

విశ్రమించవద్దు ఏ క్షణం

విస్మరించవద్దు నిర్ణయం

అప్పుడే నీ జయం నిశ్చయంరా

నొప్పిలేని నిమిషమేది జననమైన మరణమైన జీవితాన అడుగు అడుగున

నీరసించి నిలిచిపోతె నిమిషమైన నీది కాదు బ్రతుకు అంటె నిత్య ఘర్షణ

దేహముంది ప్రాణముంది నెత్తురుంది సత్తువుంది ఇంతకన్న సైన్యముండునా

ఆశ నీకు అస్త్రమౌను శ్వాస నీకు శస్త్రమౌను దీక్షకన్న సారెదెవరురా

నిరంతరం ప్రయత్నమున్నదా నిరాశకే నిరాశ పుట్టదా

నిన్ను మించి శక్తి ఏది నీకె నువ్వు బాసటయ్యితే

నింగి ఎంత గొప్పదైన రివ్వుమన్న గువ్వపిల్ల రెక్క ముందు తక్కువేనురా

సంద్రమెంత పెద్దదైన ఈదుతున్న చేపపిల్ల మొప్ప ముందు చిన్నదేనురా

పిడుగువంటి పిడికిలెత్తి ఉరుము వల్లె హుంకరిస్తె దిక్కులన్ని పిక్కటిల్లురా

ఆశయాల అశ్వమెక్కి అదుపులేని కదనుతొక్కి అవధులన్ని అధిగమించరా

విధిత్తమాపరాక్రమించరా విశాల విశ్వమాక్రమించరా

జలధిసైతం ఆపలేని జ్వాలవోలె ప్రజ్వలించరా

నింగి ఎంత గొప్పదైన రివ్వుమన్న గువ్వపిల్ల రెక్క ముందు తక్కువేనురా

సంద్రమెంత పెద్దదైన ఈదుతున్న చేపపిల్ల మొప్ప ముందు చిన్నదేనురా

పశ్చిమాన పొంచి ఉండి రవిని మింగు అసుర సంధ్య ఒక్కనాడు నెగ్గలేదురా

గుటకపడని అగ్గి ఉండ సాగరాన నిదుకుంటు తూరుపింట తేలుతుందిరా

నిశావిలాసమెంతసేపురా ఉషోదయాన్ని ఎవ్వడాపురా

రగులుతున్న గుండె కూడ సూర్యగోళమంటిదేనురా

అమావాస్య రేయి

అమావాస్య రేయి అలా ఆగిపోయి

ఉషాకాంతినే నిషేధించునా

నిషా నిదురలో సదా నిలుచునా

ప్రపంచాన నీకన్నా దీనులెవరు లేరా

ప్రతీవారు నీకున్నా ప్రతిభ ఉన్న వారా

ఉలిని వలచి రాళ్ళైనా కళను తెలుసుకోవా

ఉనికి మరచి ఈ రత్నం వెలుగు విడచెనేల

వసంతాలు రావా సుగంధాలు తేవా

నిజం తెలుసుకోవా నిషావదులుకోవా

జగాలేలు జాబిల్లి మహా ఒంటివాడు

తన అనే తోడేదీ సమీపాన లేదు

ఎదను రగులు వేడున్నా వెలిగి తెలియనీడు

జనులు నిదుర పోతున్నా అలిగి తొలగిపోడు

సుధాకాంతి పంచే విధిని మానుకోడు

యధాశక్తి చూపే కళను దాచుకోడు

Hare Ram - Inkonchem Freedom

ఇంకొంచెం ఫ్రీడం

ఇంకొంచెం ఫ్రీడం ఇచ్చేసుకుందాం - పొందిగ్గా ఉండం, పరిగెడుతూ ఉందాం!

పక్షుల్లా పోదాం, నక్షత్రాలౌదాం! - నింగి అందాలందాం, నిచ్చెనలు వేద్దాం!

భూలోకం మొత్తం మనకేగా సొంతం - జనమంటే అర్థం మన జంటే అందాం!

ఎవరూ లేరందాం, ఉన్నా అటు చూడం! తొలి ఈవ్ అండ్ ఆడం మనమే అందాం!

హరిలో రంగ హరి, ఇదేం తమాషే! కాదన్న వాడే జోడీ ఖరార్, ఖల్లాసే!

భాగోతం బాగు అన్నావో సరే, శభాషే! ఐసే తైసే నువ్వంటే న్యూసే !

ఆనందోబ్రహ్మ అంటూ షికారు చేస్తే, అమ్మోరు పూనినట్టు వీరంగం వేస్తే,

ఏం దారి చోరా చోరీ తోచింది చేస్తే , చూస్తే గీస్తే మంటే మటాషే!

జంట కుదిరిన జోషే ఇక వెంట పడితే వెంట పడక ఒంటి కళతో ఉంటదా?

నిష్ట చెదిరిన మనసే వింటదా చెబితే,

కత్తి పదునై కోసే ఈ కొత్త చినుకు గుండె కొరుకుతుంటె కునుకు పడతదా!

నరం నరం నములు గరం గరం గుబులు క్షణం క్షణం దిగులు పిచ్చే కదా?

అదో రకం తెగులు, అయోమయం సెగలు పుట్టించడం తగని పనే కదా!

లోకుల్లారా, దీవిస్తే మీకే మేలంటాం, కాకుల్లాగా కవ్విస్తే కేర్-ఎ-పిన్ అంటాం!

ఏం చేస్తారో మీ ఇష్టం, మాకేంటనుకుంటాం! మునుముందుకు పోదాం, ఆగం మీ కోసం!

Sayonara, చెయ్యేసి షైరుకు వెళుతున్నాం! సై అన్నారా, సరదాగా సంగతి చెప్పుకుందాం!

కాదన్నారా, que sera sera అనుకుందాం! అస్సలెందుకులే మీ అందరి ఒప్పందం?

కాపేస్తే కంచెను తెంచుకుపోతాం, ఆపేస్తే తప్పక తప్పుకుపోతాం!

కోపిస్తే కొండల నుంచి కిందికి వచ్చి గట్టును తెంచి కొంపలు ముంచే గోదారైపోదాం!

ఆవారా గాళ్ళని నిందిస్తారా? కెరటాలకు కొరడా చూపిస్తారా?

గుప్పెట్లో నిప్పును పట్టి కప్పడమంటే ముప్పని ఎవరూ చెప్పక ముందే తెలిసిందటే నీకే లాభం!

జై రాం, జై రాం, జై జై జై రాం, జై రాం, జై జై జై రాం జై రాం, జై జై జై జై రాం!

Hare Ram - Ya Khuda

యా ఖుదా

ప్యార్ కర్నా సీఖోనా

పారిపోతే పరువేనా

కోరుకుంటే ఏదైనా నే కాదంటానా

యా ఖుదా జర దేఖోనా

దూకుతున్నది పైపైన

దిక్కు తోచక ఛస్తున్నా

ఏం జోరే జాణ

పుట్టుకొచ్చే పిచ్చి నువ్వు నచ్చి

పట్టుకొచ్చా మెచ్చి పంచుకోవే లవ్ రుచి

పట్టపగలే వచ్చి బరితెగించి

పచ్చి వగలే తెచ్చి వెంట రాకె కొంటెగా కవ్వించి

ప్యార్ కర్నా సీఖోనా

పారిపోతే పరువేనా

కోరుకుంటే ఏదైనా నే కాదంటానా

యా ఖుదా జర దేఖోనా

దూకుతున్నది పైపైన

దిక్కు తొచక ఛస్తున్నా

ఏం జోరే జాణ

ఒంటరి ఈడు కదా

తుంటరి తొందర ఉండదా

ఎందుకు ఈ పరదా తగునా

అందుకు ఆడ జత తప్పక అవసరమే కదా

నువ్వది కాదు కదా అవునా

ఇంతలేసి కళ్ళు మొత్తం కట్టి వేసుకు కూర్చున్నావ

నన్ను చూస్తే కొంచెమైనా గుండె తడబడుకుంటుందా

బాప్ రే బాప్ తెగ బెదిరానే నమ్మవేం చెబుతున్నా

గాభరా పడుతున్నానే చాలదా పులి కూనా

ప్యార్ కర్నా సీఖోనా

పారిపోతే పరువేనా

కోరుకుంటే ఏదైనా నే కాదంటాన

యా ఖుదా జర దేఖోనా

దూకుతున్నది పైపైన

దిక్కు తొచక ఛస్తున్నా

ఏం జోరే జాణా

దక్కిన చుక్కనిలా

తక్కువ చేయకు ఇంతలా

మక్కువ దాచకలా మదిలో

కమ్ముకు రాకే ఇలా

తిమ్మిరి పెంచకె వింతగా

గమ్మున ఉండవెలా తెరలో

ఆశపడితే దాగుతుందా రాచకార్యం ఇన్నాళ్ళుంటే

మూతపెడితే దాగుతుందా చాలు రాదది జోకొడితే

క్యా కరే నాకేం దారి నౌకరీ పోతుంటే

పోకిరి వైఖిరి చాలే ఛోకిరి వదిలెయ్వే

ప్యార్ కర్నా సీఖోనా

పారిపోతే పరువేనా

కోరుకుంటే ఏదైనా నే కాదంటాన

యా ఖుదా జర దేఖోనా

దూకుతున్నది పైపైన

దిక్కు తొచక ఛస్తున్నా

ఏం జోరే జాణా

పుట్టుకొచ్చే పిచ్చి నువ్వు నచ్చి

పట్టుకొచ్చా మెచ్చి పంచుకోవే లవ్ రుచి

పట్టపగలే వచ్చి బరితెగించి

పచ్చి వగలే తెచ్చి వెంట రాకే కొంటెగా కవ్వించి

లాలిజో లాలిజో

లాలిజో లాలిజో లీలగా లాలిస్తాగ

జోలలో జారిపో మేలుకోలేనంతగ

ఆపదేం రాదే నీ దాక నేనున్నాగ

కాపలా కాస్తూ ఉంటాగ

పాపలా నిదరో చాలింక

వేకువగా దీపమై చూస్తూ ఉంటాగ

కానీ అనుకోనీ అలివేణి

ఏం కాలేదనుకోనీ వదిలేసి వెళ్ళిపోనీ ఆరాటాన్ని

కానీ అనుకోనీ అలివేణి

ఏం కాలేదనుకోనీ వదిలేసి వెళ్ళిపోనీ ఆరాటాన్ని

లాలిజో లాలిజో లీలగా లాలిస్తాగా

జోలలో జారిపో మేలుకోలేనంతగా

ఊరికే ఉసూరుమంటావే

ఊహకే ఉలిక్కిపడతావే

చక్కగా సలహాలిస్తావే

తిక్కగా తికమకపెడతావే

రెప్పలు మూసుంటే తప్పక చూపిస్తా

రేయంతా వెలిగించే రంగుల లోకాన్నే

కానీ అనుకోనీ అలివేణి

ఏం కాలేదనుకోనీ వదిలేసి వెళ్ళిపోనీ ఆరాటాన్ని

కానీ అనుకోనీ అలివేణి

ఏం కాలేదనుకోనీ వదిలేసి వెళ్ళిపోనీ ఆరాటాన్ని

లాలిజో లాలిజో లీలగా లాలిస్తాగా

జోలలో జారిపో మేలుకోలేనంతగా

ఎదురుగా పులి కనపడుతుంటే

కుదురుగా నిలబడమంటావే

బెదురుగా బరువెక్కిందంటే

మది ఇలా భ్రమపడుతున్నట్టే

గుప్పెడు గుండెల్లొ నేనే నిండుంటే

కాలైనా పెట్టవుగా సందేహాలేవే

ఆపదేం రాదే నీదాక నేనున్నా

కాపలా కాస్తూ ఉంటాగా

పాపలా నిదరో చాలింకా వేకువదాక

దీపమై చూస్తూ ఉంటాగా

కానీ అనుకోనీ అలివేణి

ఏం కాలేదనుకోనీ వదిలేసి వెళ్ళిపోనీ ఆరాటాన్ని

కానీ అనుకోనీ అలివేణి

ఏం కాలేదనుకోనీ వదిలేసి వెళ్ళిపోనీ ఆరాటాన్ని

లాలిజో లాలిజో లీలగా లాలిస్తాగా

జోలలో జారిపో మేలుకోలేనంతగా

Hari Ram - Sariga Padani

సరిగా పడనీ

సరిగా పడనీ ఇపుడే తొలి అడుగు

సుడిలో పడవై ఎపుడూ తడబడకు

మాయలో మగతలో మరుపు ఇంకెన్నాళ్లు

వేకువై వెలగనీ తెరవిదే నీ కళ్లు

కన్న ఒడి వదలాల్సిందే నీలా నువు నిలవాలంటే

మన్ను తడి తగలాల్సిందే మున్ముందుకు సాగాలంటే

కింద పడి లేవాల్సిందే కాలంతో గెలవాలంటే

ఛలో ఛలో

నిన్నే చూసే అద్దం కూడ నువ్వా కాదా అనదా

అచ్చం నీలా ఉండేదెవరా అంటు లోకం ఉలికిపడదా

సూర్యుడిలో చిచ్చల్లే రగిలించే నీలో కోపం

దీపంలా వెలిగిందా జనులందరిలో

చంద్రుళ్ళో మచ్చల్లే అనిపించే ఏదో లోపం

కుందేలై అందంగా కనపడదే నీలా నవ్వే క్షణాలలో

చెక్కే ఉలితో నడిచావనుకో దక్కే విలువే తెలిసి

తొక్కే కాళ్ళే మొక్కే వాళ్ళై దైవం అనరా శిలను కొలిచి

అమృతమే నువు పొందు విషమైతే అది నా వంతు

అనగలిగే నీ మనసే ఆ శివుడిల్లు

అందరికి బతుకిచ్చే పోరాటంలో ముందుండు

కైలాసం శిరసొంచి నీ ఎదలో ఒదిగే వరకు

 ఛలో ఛలో

Sambaram - Enduke Ila

ఎందుకే ఇలా

ఎందుకే ఇలా గుండెలోపల ఇంత మంట రేపుతావు అందని కలా

అన్ని వైపులా అల్లుకోకిలా ఆగనీక సాగనీక ఎన్నాళ్ళిలా

వెంటాడుతు వేధించాలా మంటై నను సాధించాలా

కన్నీటిని కురిపించాలా ఙాపకమై రగిలించాలా

మరుపన్నదే రానీయవా దయలేని స్నేహమా

తప్పదని నిను తప్పుకుని వెతకాలి కొత్తదారి

నిప్పులతో మది నింపుకుని బతకాలి బాటసారి

జంటగ చితిమంటగ గతమంత వెంట ఉందిగా

వంటిగ నను ఎన్నడు వదిలుండనందిగా

నువ్వు నీ చిరునవ్వు చేరని చోటే కావాలి

ఉందో లేదో ఈ లోకంలో నీకే తెలియాలి

ఆపకిలా ఆనాటి కల అడుగడుగు కూలిపోదా

రేపకిలా కన్నీటి అలా ఏ వెలుగు చూడనీక

జన్మలో నువ్వులేవని ఇకనైనా నన్ను నమ్మనీ

నిన్నలో వదిలేయని ఇన్నాళ్ళ ఆశని

చెంతే ఉన్నా సొంతం కావని నిందించేకన్నా

నన్నే నేను వెలివేసుకుని దూరం అవుతున్నా

Rudraveena - Cheppalani Undi

చెప్పాలని ఉంది

వంటరిగా దిగులు బరువు మోయబోకు నేస్తం

మౌనం చూపిస్తుందా సమస్యలకు మార్గం

కష్టం వస్తేనేగద గుండె బలం తెలిసేది

దుఃఖానికి తలవంచితె తెలివికింక విలువేది

మంచైనా చెడ్డైనా పంచుకోను నే లేనా

ఆ మాత్రం ఆత్మీయతకైన పనికిరానా

ఎవ్వరితో ఏమాత్రం పంచుకోను వీలులేని

అంతటి ఏకాంతమైన చింతలేమిటండి

చెప్పాలని ఉంది గొంతు విప్పాలని ఉంది

చెప్పాలని ఉంది గొంతు విప్పాలని ఉంది

గుండెల్లో సుడి తిరిగే కలత కథలు

చెప్పాలని ఉంది గొంతు విప్పాలని ఉంది

కోకిలల గుంపుల్లో చెడబుట్టిన కాకిని అని

అయిన వాళ్ళు వెలివేస్తే అయినానేకాకిని

చెప్పాలని ఉంది గొంతు విప్పాలని ఉంది

పాట బాట మారాలని చెప్పడమే నా నేరం

గూడు విడిచి పొమ్మన్నది నన్ను కన్న మమకారం

వసంతాల అందం విరబూసే ఆనందం

తేటి తేనె పాట పంచెవన్నెల విరి తోట

బ్రతుకు పుస్తకంలో ఇది ఒకటేనా పుట

మనిషి నడుచు దారుల్లో లేదా ఏ ముళ్ళ బాట

చెప్పాలని ఉంది గొంతు విప్పాలని ఉంది

ఏటి పొడవునా వసంతమొకటేనా కాలం

ఏదీ మరి మిగితా కాలాలకి తాళం

నిట్టూర్పుల వడగాలుల శృతిలో ఒకడు

కంటినీటి కుంభవృష్టి జడిలో ఇంకొకడు

మంచు వంచనకు మోడై గోడు పెట్టువాడొకడు

వీరి గొంతులోని కేక వెనుక ఉన్నదేరాగం

అనుక్షణం వెంటాడే ఆవేదన ఏ రాగం

అని అడిగిన నా ప్రశ్నకు అలిగినాప్త కోకిల

కళ్ళు ఉన్న కబోదిలా చెవులు ఉన్న బధిరుడిలా

నూతిలోని కప్పలా బ్రతకమన్న శాసనం

కాదన్నందుకు అక్కడ కరువాయెను నా స్థానం

చెప్పాలని ఉంది గొంతు విప్పాలని ఉంది

అసహాయతలో దడదడలాడే హృదయ మృదంగధ్వానం

నాడుల నడకల తడబడి సాగే ఆర్తుల ఆరని శోకం

ఎడారి బ్రతుకున నిత్యం ఛస్తూ సాగే బాధల బిడారు

దిక్కు మొక్కు తెలియని దీనుల వ్యదార్ధ జీవన స్వరాలు

నిలువునా నన్ను కమ్ముతున్నాయి శాంతితో నిలువనీయకున్నాయి

ఈ తీగలు సవరించాలి ఈ అపశృతి సరిచేయాలి

జనగీతిని వద్దనుకుంటూ నాకు నేనె పెద్దనుకుంటూ

కలలో జీవించను నేను కలవరింత కోరను నేను

నేను సైతం విశ్వవీణకు తంత్రినై మూర్ఛనలు పోతాను

నేను సైతం భువన ఘోషకు వెర్రి గొంతుక విచ్చి మ్రోస్తాను

నేను సైతం ప్రపంచాజ్యపు తెల్లరేకై పల్లవిస్తాను

నేను సైతం నేను సైతం బ్రతుకు పాటకు గొంతు కలిపేను

నేను సైతం నేను సైతం బ్రతుకు పాటకు గొంతు కలిపేను

సకల జగతిని శాశ్వతంగా వసంతం వరియించుదాక

ప్రతీ మనిషికి జీవనంలో నందనం వికశించుదాక

పాత పాటను పాడలేను కొత్త బాటను వీడిపోను

నేను సైతం నేను సైతం

Jalsa - Ni Payanam Ekkadiko

నీ పయనం ఎక్కడికో

ఛలోరే ఛలోరే చల్ ఛలోరే ఛలోరే చల్ ఛలోరే ఛలోరే చల్ చల్

నీ పయనం ఎక్కడికో నీకు తెలియాలిగా

ఏ సమరం ఎవ్వరితో తేల్చుకో ముందుగా

ఛలోరే ఛలోరే చల్ ఛలోరే ఛలోరే చల్ ఛలోరే ఛలోరే చల్ చల్

చంపనిదే బతకవనీ బతికేందుకు చంపమనీ

నమ్మించే అడవిని అడిగేం లాభం బతికే దారెటనీ

ఛలోరే ఛలోరే చల్ ఛలోరే ఛలోరే చల్ ఛలోరే ఛలోరే చల్ చల్

సంహారం సహజమనీ సహవాసం స్వప్నమనీ

తర్కించే తెలివికి తెలిసేనా తానే తన శతృవనీ

ఛలోరే ఛలోరే చల్ ఛలోరే ఛలోరే చల్ ఛలోరే ఛలోరే చల్ చల్

నీ పయనం ఎక్కడికో నీకు తెలియాలిగా

ఏ సమరం ఎవ్వరితో తేల్చుకో ముందుగా

ఛలోరే ఛలోరే చల్ ఛలోరే ఛలోరే చల్ ఛలోరే ఛలోరే చల్ చల్

ధీరులకీ దీనులకీ అమ్మ ఒడి ఒక్కటే

వీరులకీ చోరులకీ కంటతడి ఒక్కటే

ఛలోరే ఛలోరే చల్ ఛలోరే ఛలోరే చల్ ఛలోరే ఛలోరే చల్ చల్

అపుడెపుడో ఆటవికం మరి ఇపుడో ఆధునికం

యుగయుగాలుగా ఏ మృగాల కన్నా ఎక్కువ ఏం ఎదిగాం

ఛలోరే ఛలోరే చల్ ఛలోరే ఛలోరే చల్ ఛలోరే ఛలోరే చల్ చల్

రాముడిలా ఎదగగలం రాక్షసులను మించగలం

రకరకాల ముసుగులు వేస్తూ మరిచాం ఎపుడో సొంత ముఖం

ఛలోరే ఛలోరే చల్ ఛలోరే ఛలోరే చల్ ఛలోరే ఛలోరే చల్ చల్

తారలనే తెంచగలం తలుచుకుంటే మనం

రవికిరణం చీల్చగలం రంగులుగా మార్చగలం

ఛలోరే ఛలోరే చల్ ఛలోరే ఛలోరే చల్ ఛలోరే ఛలోరే చల్ చల్

Jalsa - Ye Zindegi

యే జిందగీ నడవాలంటే

యే జిందగీ నడవాలంటే హస్తే హస్తే

నదిలో దిగి ఎదురీదాలి అంతే అంతే

హిరోషిమా జీరో అయ్యిందా ఆటం బాంబేదో వేస్తే

చల్ చక్ దే చక్ దే అంటే పడినా లేచొస్తామంతే

హకూనా మటాట అనుకో తమాషగా తల ఊపి

Varietyగ శబ్దం విందాం అర్ధం కొద్దిగ side కి జరిపి

అదే మనం తెలుగులొ అంటే dont worry be happy

మరోరకంగా మారుద్దాం కొత్తదనం కలిపి

You and I lets go high and do bhalle bhalle

Life is like Saturday night lets do bhalle bhalle

ఎన్నో రంగుల జీవితం నిన్నే పిలిచిన స్వాగతం

విన్నా నీలో సంశయం పోదా

ఉంటే నీలో నమ్మకం కన్నీరైనా అమృతం

కష్టం కూడ అద్భుతం కాదా

Botanicalభాషలో petals పూరేకులు

Material science లో కలలు మెదడు పెనుకేకలు

Mechanicalశ్వాసలో ఉసూరనే ఊసులు

మనస్సు పరిభాషలో మధురమైన కథలు

You and I lets go high and do bhalle bhalle

Life is like Saturday night lets do bhalle bhalle

పొందాలంటే victory పోరాటం compulsory

Risk అంటే ఎల్లామరి బోలో

ఎక్కాలంటే హిమగిరి ధిక్కారం తప్పనిసరి

కాలం మొక్కే historyలిఖ్ నా

Utopia ఊహలో అటో ఇటో సాగుదాం

Euphoria ఊపులో ఎగసి ఎగసి చెలరేగుదాం

Philosophyచూపులో ప్రపంచమో బూటకం

Anatomy labలో మనకు మనం దొరకం

You and I lets go high and do bhalle bhalle

Life is like Saturday night lets do bhalle bhalle

Gamyam - Entavaraku Endukoraku

ఎంతవరకు ఎందుకొరకు

ఎంతవరకు ఎందుకొరకు ఇంత పరుగు అని అడక్కు

గమనమే నీ గమ్యమైతే బాటలోనే బ్రతుకు దొరుకు

ప్రశ్నలోనే బదులు ఉందే గుర్తు పట్టే గుండెనడుగు

ప్రపంచం నీలో ఉన్నదని చెప్పేదాక ఆ నిజం తెలుసుకోవా

తెలిస్తే ప్రతిచోట నిను నువ్వే కలుసుకొని పలకరించుకోవా

కనపడేవెన్నెన్ని కెరటాలు

కలగలిపి సముద్రమంటారు

అడగరేం ఒక్కొక్క అల పేరు

మనకిలా ఎదురైన ప్రతివారు

మనిషనే సంద్రాన కెరటాలు

పలకరే మనిషీ అంటే ఎవరూ

సరిగా చూస్తున్నదా నీ మది గదిలో నువ్వే కదా ఉన్నది

చుట్టు అద్దాలలో విడి విడి రూపాలు నువ్వు కాదంటున్నది

నీ ఊపిరిలో లేదా గాలి వెలుతురు నీ చూపుల్లో లేదా

మన్ను మిన్ను నీరు అన్నీ కలిపితే నువ్వే కాదా కాదా

ప్రపంచం నీలో ఉన్నదని చెప్పేదాక ఆ నిజం తెలుసుకోవా

తెలిస్తే ప్రతిచోట నిను నువ్వే కలుసుకొని పలకరించుకోవా

మనసులో నీవైన భావాలే

బయట కనిపిస్తాయి దృశ్యాలై

నీడలు నిజాల సాక్ష్యాలే

శత్రువులు నీలోని లోపాలే

స్నేహితులు నీకున్న ఇష్టాలే

ఋతువులు నీ భావ చిత్రాలే

ఎదురైన మందహాసం నీలోని చెలిమి కోసం

మోసం రోషం ద్వేషం నీ మకిలి మదికి భాష్యం

పుట్టుక చావు రెండే రెండూ నీకవి సొంతం కావు పోనీ

జీవితకాలం నీదే నేస్తం రంగులు ఏం వేస్తావో కానియ్యి

Gamyam - Challegani

చాల్లేగాని

చాల్లేగాని ఏంటా పరాకు

ఉన్నట్టుండి ఏమైంది నీకు

అయ్యో అని worryఐపోకు

tell me అని enquiryలన్ని ఎందుకు

మాతోనే నువ్వుంటూ మా ఊసే పట్టనట్టు

ఏదోలా ఎందుకుంటావ్ నీదీలోకం కాదన్నట్టు

ఒదిగుందే లోని గుట్టు

కదిలిస్తే తేనె పట్టు

వదలదుగా వెంటపడుతు

నాకేం తెలుసిది ఇంతేనంటు

మునిగేదాక లోతన్నది

కొలిచే వీలు ఏమున్నది

పరవాలేదు అంటున్నది

ప్రేమలో పడ్డది

ఆమె చెంపలా కందిపోవడం

ఏమి చెప్పడం ఎంత అద్భుతం

అందుకే కదా కోరి కోరి కయ్యాలు

అతని కోసమే ఎదురుచూడటం

బ్రతిమలాడి తను అలక తీర్చడం

పూట పూట ఎన్నెన్ని చిలిపి కలహాలు

జంటలెన్ని చెబుతున్నా

ఎన్ని కథలు వింటున్నా

అంతుబట్టదే ప్రేమ ఏనాటికైనా

విన్నాగాని అంటావేగాని

ఏమంటోంది ఆకాశవాణి

చూసాగాని వేరే లోకాన్ని

ఏంచెప్పాలి చూపించే వీలులేదని

పక్కకెళ్ళిపో పాడు మౌనమా

కరగవెందుకే కొద్ది దూరమా

బయటపడని జత ఏదో చూసుకోరాదా

ఎంతసేపు ఈ వింత dilemma

కథని కాస్త కదిలించు కాలమా

to be not to be debate ఎంతకీ తెగదా

కొత్త దారిలో నడక

ఇప్పుడిప్పుడే గనక

తప్పదేమో తడబడక

అలవాటు లేక

ఇన్నాళ్ళుగా ఉన్నాగా నేను

నువ్వొచ్చాక ఏమైపోయాను

నీతో ఇలా అడుగేస్తున్నాను

ఏవైపంటే ఏమో ఎలాగ చెప్పను

Gamyam - Samayama Chalinchake

సమయమా చలించకే

సమయమా చలించకే బిడియమా తలొంచకే

తీరం ఇలా తనకు తానే వెతికి జతకి చేరే క్షణాలలో

సమయమా చలించకే బిడియమా తలొంచకే

చంటి పాపలా అనుకుంటూ ఉండగానే

చందమామలా కనుగొన్నా గుండెలోనే

తనలో చిలిపితనం సిరివెన్నెలే అయ్యేలా

ఇదిగో కలల వనం అని చూపుతున్న లీలలో

సమయమా చలించకే బిడియమా తలొంచకే

పైడి బొమ్మలా నను చూసే కళ్ళలోనే

ఆడ జన్మలా నను గుర్తించాను నేనే

తనకే తెలియదని నడకంటే నేర్పుతూనే

నను నీ వెంటే రానీ అని వేడుతున్న వేళలో

సమయమా చలించకే బిడియమా తలొంచకే

Vaana - mUti muDucukunnadE

మూతి ముడుచుకున్నదే

మూతి ముడుచుకున్నదే మువ్వంటి మైన

అరె మబ్బేల దిగనంది ముత్యాల వాన

మాట వరసకైనా తనకు చెప్పనంటు

గీటుదాటకన్నా లెక్కచేయనంటు

ఆమె గారి చేయి జారి మనసు గాని పారిపోయిందా ఏమైనా

రానందా రమ్మన్నా

సన్నాయిలా వినిపిస్తున్నవా చెవికొరికి పోయే చిరుగాలులు

జడివానలా అనిపిస్తున్నవా జడపూల చాటున తడి ఊహలు

ఇన్నాళ్ళు నువ్వైన చూసావటే నీక్కూడ ముద్దొచ్చే అందాలు

ఇవ్వాళె నీకు తెలిసాయటే ఛీపాడు అనిపించు అర్ధాలు

ఇంతలో ఇంతలా ఎంత వింత మార్పు వచ్చిందే నీలోన

బాగుందే ఏమైనా

ఉయ్యాలకే ఉలుకొచ్చిందట ఒళ్ళోంచి నువ్వు దిగి వెళ్ళావని

పట్టీల అడుగే అలిగిందట చెట్టెక్కడం మానుకున్నావని

పైటొచ్చి నీ జట్టు కట్టుకుందనీ ఆటాడె ఈడింక చేరనన్నది

పారాణి కేమంత బరువుందని పాదాన్ని పరిగెత్తనీయకున్నది

గుండెలో గువ్వలా తెంచుకున్న నిన్ను పిలిచిందే ఓ మేన

పంపాలే ఏమైనా

Vaana - sirimalle vAna

సిరిమల్లె వాన

సిరిమల్లె వాన పడుతోంది లోన కనిపించదే కంటికి

వడగళ్ళ వాన ఉరిమింది ఐనా వినిపించదే జంటకి

తడిసే తరుణాన గొడుగై నే లేనా

వల అనుకోనా వలపనుకోనా కలిపిన ఈ బంధం

వలదనుకున్నా వరమనుకున్నా తమరికి నే సొంతం

చినుకై వచ్చావే వరదై ముంచావే

చిలిపిగ ఆడి చెలిమికి ఓడి గెలిచా నీపైన

తగువుకు చేరి తలపుగ మారి నిలిచా నీలోన

మనసే ఈ వింత మునుపే చూసిందా

Vaana - unnaTTA lEnaTTA

ఉన్నట్టా లేనట్టా

ఉన్నట్టా లేనట్టా ఉండుంటే నిన్నేట్టా చేరాలె సిరి తునుక

విన్నట్టా లేనట్టా వింటుంటే నా మాట ఊకొట్టవే చిలక

నిదర చెడిన ఎద కుదుట పడదు కద

ఏదో చేసుంటావే నువ్వు అమ్మాయీ అన్యాయంగా

తెలుసుకోనీ ఆకాశవాణి చెలియ వైనాన్ని

అడుగుపోనీ ఆ చిన్నదాన్ని నన్ను కలవమని

ఏమంత పని ఉందని పారిపోయింది సౌదామిని

ఏ సంగతీ చెప్పక

మెరుపుతీగా! నీ మెలిక నాలో మిగిలిపోయిందే

చిలిపి సైగా! నా మనసు నీతో వలస పోయిందే

నువ్వు తాకినట్టుండగా ఓ తడి గొంతు వదిలావుగా

మరచి పోనివ్వక

Vaana - DhOlArE dhumAraM dEkhOrE

ఢోలారే ధుమారం దేఖోరే

ఢోలారే ధుమారం దేఖోరే

అరే అరే అనరే బాపురే

ఝూమోరే ఝమాఝం నాచోరే

హుర్రే హుర్రే అనదా ఊపిరే

అరె పిల్లగాలి పలికిందా సన్నాయి పాటలా

అరె కళ్ళలోన కులికిందా హరివిల్లు నేడిలా

కింద మీద చూడనంటు సందడేదొ ఆగనంటు

బొంగరాల గింగిరాల చందనాలు రేగు వేళ

మనింటిలో వేడుక విన్నంతటా హంగామా

కళ్యాణమే చూడగ ఖంగారు కలిగిద్దామా

జగాలకే చాటుగా జువ్వల్ని ఎగరేద్దామా

చుట్టాలుగా చేరగా చుక్కల్ని దిగమందామా

ఈవాళే రావాలి పగలే ఇలా

రంగేళి రేగాలి నలువైపులా

నింగి నేల ఏకమైన రంగ రంగ వైభవాన

ఛంగు ఛంగు ఛంగుమంటు చిందులాట సాగువేళ

ఢోలారే ధుమారం దేఖోరే

అరే అరే అనరే బాపురే

పొద్దెక్కినా లేవక బజ్జోకుమా పాపాయి

నెత్తెక్కి తొక్కేతనం అత్తింటిలో ఆపేయి

కుర్రాళ్ళతో దీటుగ కుంగ్ఫులవీ మానేయి

ఎన్నాళ్ళే ఈ వాలకం ఇల్లలుగా అడుగెయ్యి

అమ్మయ్యి లోకాన్నే అమ్మాయివై

తీరంత మార్చాలి ఆరిందవై

పిల్లతాను నీ బడాయి చెల్లదింక ఆకతాయి

అల్లరంత ఇక్కడొదిలి పల్లకీని చేరువేళ

ఢోలారే ధుమారం దేఖోరే

అరే అరే అనరే బాపురే

Vaana - eduTa niliciMdi cUDu

ఎదుట నిలిచింది చూడు

ఎదుట నిలిచింది చూడు జలతారు వెన్నెలేమో

ఎదను తడిపింది నేడు చినుకంటి చిన్నదేమో

మైమరచిపోయా మాయలో

ప్రాణమంత మీటుతుంటే వాన వీణలా

నిజంలాంటి ఈ స్వప్నం ఎలా పట్టి ఆపాలి

కలే ఐతే ఆ నిజం ఎలా తట్టుకోవాలి

ఔనో కాదో అడగకంది నా మౌనం

చెలివో శిలవో తెలియకుంది నీ రూపం

చెలిమి బంధమల్లుకుందే జన్మ ఖైదులా

నిన్నే చేరుకోలేక ఎటెళ్ళిందొ నా లేఖ

వినేవారు లేక విసుక్కుంది నా కేక

నీదో కాదో రాసున్న చిరునామా

ఉందో లేదో ఆ చోట నా ప్రేమ

వరంలాంటి శాపమేదో సొంతమైందిలా

*************************

వెంట పడుతుంది చూడు

కనపడని మంట ఏదో

బదులు అడిగింది నేడు

వినపడని విన్నపమేదో

మది మునిగిపోయే మత్తులో

మధురమైన యాతనేదో బైటపడదెలా

Vaana - AkASa gaMga

ఆకాశ గంగా

ఆకాశ గంగా దూకావె పెంకితనంగ

జల జల జడిగ తొలి అలజడిగ

తడబడు అడుగా నిలబడు సరిగా

నా తలకు ముడివేస్తున్నా నిన్నాపగా

కనుబొమ్మ విల్లెత్తి ఓ నవ్వు విసిరావె

చిలకమ్మ గొంతెత్తి తీయంగ కసిరావె

చిటపటలాడి వెలసిన వాన

మెరుపుల దారి కనుమరుగైనా

నా గుండె లయలో విన్నా నీ అలికిడి

ఈ పూట వినకున్నా నా పాట ఆగేనా

ఏ బాటలోనైనా నీ పైటనొదిలేనా

మనసుని నీతో పంపిస్తున్నా

నీ ప్రతి మలుపు తెలుపవె అన్నా

ఆ జాడలన్నీ వెతికి నిన్ను చేరనా

*************************

ఆకాశ గంగ నిన్ను ఆపలేనే ఇంక

ముగిసిన కథగా మిగలని స్మృతిగ

కదలవె త్వరగా కడలికి జతగ

ఈ మంచు కొండని విడచి వెళ్ళాలిగా

Gautam SSC - EdO ASa

ఏదో ఆశ

ఏదో ఆశ ఎదలో మొదలైనది ఎపుడూ జాడ లేనిది

నిజం తెలుసా ఈనాటిది కాదది ఇపుడే మేలుకున్నది

ఇలా నీ శ్వాస గిల్లి లెమ్మంటూ నన్నల్లుకుంది నిశీధిలో ఉషోదయంలా

నీ లాలిని పాడే లాలన నేనోయ్

జాబిలికై ఆశ పడే బాలను నేను

తల్లిగా జోకొట్టి చలువే పంచాలోయ్

చెల్లిగా చేపట్టి చనువే పంచాలోయ్

సరిగా నాకే ఇంకా తేలని ఈవేళ

నీ నీలి కనుల్లో వెతుకుతు ఉన్నా

క్షణానికో రూపంలో కనబడుతున్నా

జాడవై నావెంట నిను నడిపించాలోయ్

జానకై జన్మంతా జంటగా నడవాలోయ్

తెలిసీ తెలీనట్టే ఉందీ ఈ లీల

Money - Chakravartiki

చక్రవర్తికీ

చక్రవర్తికీ వీధి బిచ్చగత్తెకీ బంధువౌతానని అంది మనీ మనీ

అమ్మ చుట్టము కాదు అయ్య చుట్టము కాదు ఐనా అన్నీ అంది మనీ మనీ

పచ్చనోటుతో లైఫు లక్ష లింకులు పెట్టుకుంటుందని అంది మనీ మనీ

పుట్టడానికి పాడెకట్టడానికి మధ్య అంతా తనే అంది మనీ మనీ

కాలం ఖరీదు చేద్దాం పదండి అంది మనీ మనీ

తైలం తమాష చూద్దాం పదండి అంది మనీ మనీ

డబ్బుని లబ్డబ్బని గుండెల్లో పెట్టుకోరా

దీక్షగా ధనలక్ష్మిని లవ్వాడి కట్టుకోరా

ఇంటద్దె కట్టావ నా తండ్రి నో ఎంట్రీ విధి వాకిట్లో

దొంగల్లే దూరాలి సైలెట్లీ నీ ఇంట్లో చిమ్మచీకట్లో

అందుకే పదా బ్రదర్ మనీ వేటకీ

అప్పుకే పదా బ్రదర్ ప్రతీ పూటకీ

రోటీ కప్డా రూము అన్నీ రూపీ రూపాలే

సొమ్ముని శరణమ్మని చరణమ్ము నమ్ముకోరా

దీక్షగా ధనలక్ష్మిని లవ్వాడి కట్టుకోరా

ప్రేమించుకోవచ్చు దర్జాగా పిక్చర్లో పేద హీరోలా

డ్రీమించుకొవచ్చు ధీమాగా డ్రామాలో ప్రేమస్టోరీలా

పార్కులో కనే కలే ఖరీదైనది

బ్లాకులో కొనే వెలే సినీప్రేమది

చూపించరుగా ఫ్రీ షో వేసి ప్రేమికులెవ్వరికీ

జీవితం ప్రతినిమిషము సొమ్మిచ్చిపుచ్చుకొరా

డబ్బురా డబ్బుడబ్బురా డబ్బు డబ్బే డబ్బు డబ్బురా

ApadbAndhavuDu - chukkallArA chUpullArA

చుక్కల్లారా చూపుల్లారా

చుక్కల్లారా చూపుల్లారా ఎక్కడమ్మా జాబిలి

మబ్బుల్లారా మంచుల్లారా తప్పుకోండే దారికి

వెళ్ళనివ్వరా వెన్నెలింటికి

విన్నవించరా వెండిమింటికి

జోజో లాలి జోజో లాలి

జోజో లాలి జోజో లాలి

మలిసంధ్య వేళాయే చలిగాలి వేణువాయే

నిదురమ్మా ఎటుబోతివే

మునిమాపు వేళాయే కనుపాప నిన్ను కోరే

కునుకమ్మా ఇటు చేరవే

నిదురమ్మా ఎటుబోతివే

కునుకమ్మా ఇటు చేరవే

గోధూళి వేళాయే గూళ్ళన్నీ కనులాయే

గువ్వల రెక్కలపైనా రివ్వూరివ్వున రావే

జోలపాడవా బేలకళ్ళకి

వెళ్ళనివ్వరా వెన్నెలింటికి

జోజో లాలి జోజో లాలి

పట్టుపరుపులేల పండువెన్నెలేల

అమ్మ ఒడి చాలదా బజ్జోవే తల్లి

పట్టుపరుపేలనే పండువెన్నెలేలనే

అమ్మ ఒడి చాలునే నిన్ను చల్లంగ జోకొట్టునే

నారదాదులేల నాదబ్రహ్మలేల

అమ్మ లాలి చాలదా బజ్జోవే తల్లి

నారదాదులేలనే నాదబ్రహ్మలేలనే

అమ్మ లాలి చాలునే నిన్ను కమ్మంగ లాలించునే

చిన్నిచిన్ని కన్నుల్లో ఎన్నివేల వెన్నెల్లో

తీయనైన కలలెన్నో ఊయలూగు వేళల్లో

అమ్మలాలపైడి కొమ్మలాల ఏడి ఏవయ్యాడు అంతులేడియ్యాల కోటితందనాల ఆ నందలాల

గోవులాల పిల్లంగోవులాల గొల్లభామలాల యాడనుంది ఆలనాటి నందనాల ఆనందలీల

జాడచెప్పరా చిట్టితల్లికి

వెళ్ళనివ్వరా వెన్నెలింటికి

జోజో లాలి జోజో లాలి

చుక్కల్లారా చూపుల్లారా ఎక్కడమ్మా జాబిలి

మబ్బుల్లారా మంచుల్లారా తప్పుకోండే దారికి

ApadbAndhavuDu - ourA ammakachellA

ఔరా అమ్మకచెల్ల

అమ్మలాలపైడి కొమ్మలాల ఏడి ఏవయ్యాడు జాడలేడియ్యాల కోటితందనాల ఆ నందలాల
గోవులాల పిల్లంగోవులాల గొల్లభామలాల యేడనుంది ఆలనాటి నందనాల ఆనందలీల

ఔరా అమ్మకచెల్ల ఆలకించి నమ్మడమెల్లా

అంత వింత గాథల్లో ఆనందలాల

బాపురే బ్రహ్మకు చెల్ల వైనమంత వల్లించవల్ల

రేపల్లె వాడల్లో ఆనందలీలా

అయినవాడే అందరికి అయినా అందడు ఎవ్వరికీ

బాలుడా గోపాలుడా లోకాలపాలుడా

తెలిసేది ఎలా ఎలా ఛాంగుభళా

నల్లరాతి కండలతో కరుకైనవాడే

వెన్నముద్ద గుండెలతో కరుణించుతోడే

నల్లరాతి కండలతో కరుకైనవాడే ఆ నందలాల

వెన్నముద్ద గుండెలతో కరుణించుతోడే ఆనందలీలా

ఆయుధాలు పట్టను అంటూ బావ బండి తోలిపెట్టే ఆ నందలాల

జాణజానపదాలతో ఙానగీతి పలుకునటే ఆనందలీల

బాలుడా గోపాలుడా లోకాలపాలుడా

తెలిసేది ఎలా ఎలా ఛాంగుభళా

ఆలమందకాపరిలా కనిపించలేదా ఆ నందలాల

ఆలమందు కాలుడిలా అనిపించుకాదా ఆనందలీల

వేలితో కొండను ఎత్తే కొండంత వేలు పట్టే ఆ నందలాల

తులసీదళానికే తేలిపోయి తూగునటే ఆనందలీల

బాలుడా గోపాలుడా లోకాలపాలుడా

తెలిసేది ఎలా ఎలా ఛాంగుభళా

Pournami - muvvalA navvakalA

మువ్వలా నవ్వకలా

మువ్వలా నవ్వకలా ముద్దమందారమా

ముగ్గులో దించకిలా ముగ్ధసింగారమా

నేలకే నాట్యం నేర్పావే నయగారమా

గాలికే సంకెళ్ళేశావే

నన్నిలా మార్చగల కళ నీ సొంతమా

ఇది నీ మాయ వల కాదని అనకుమా

ఆశకే ఆయువు పోశావే మధుమంత్రమే

రేయికే రంగులు పూశావే

కలిసిన పరిచయం ఒకరోజే కదా

కలిగిన పరవశం యుగముల నాటిదా

కళ్ళతో చుసే నిజం నిజం కాదేమో

గుండెలో ఏదో ఇంకో సత్యం ఉందేమో

నన్నిలా మార్చగల కళ నీ సొంతమా

ఇది నీ మాయ వల కాదని అనకుమా

నేలకే నాట్యం నేర్పావే నయగారమా

గాలికే సంకెళ్ళేశావే

పగిలిన బొమ్మగా మిగిలిన నా కథ

మరియొక జన్మగా మొదలౌతున్నదా

పూటకో పుట్టుక ఇచ్చే వరం ప్రేమేగా

మనలో నిత్యం నిలిచే ప్రాణం తనేగా

మువ్వలా నవ్వకలా ముద్దమందారమా

ముగ్గులో దించకిలా ముగ్ధసింగారమా

ఆశకే ఆయువు పోశావే మధుమంత్రమే

రేయికే రంగులు పూశావే

amRtaM - ayyOlu ammOlu

అమృతం -- అయ్యోలు అమ్మోలు

అయ్యోలు అమ్మోలు ఇంతేనా బ్రతుకు హు హు హు

ఆహాలు ఓహోలు ఉంటాయి వెతుకు హ హ హ

మన చేతుల్లోనే లేదా రిమోట్ కంట్రోలు

ఇట్టే మార్చేద్దాము ఏడుపుగొట్టు ప్రోగ్రాంలు

వార్తల్లో హెడ్లైన్సా మనకొచ్చే చిలిపి కష్టాలు

అయోడిన్ తో ఐపోయే గాయాలే మనకు గండాలు

ఎటో వెళ్ళిపోకు నిను చూసింది అనుకోవ చెవులు

హలో హౌ డు యు డు అని అంటోంది అంతే నీ లెవెలు

ఆతిథ్యం ఇస్తానంటే మాత్రం వస్తుందా

తీరిగ్గా నీతో కాలక్షేపం చేస్తుందా

గాలైనా రాదయ్య నీదసలే ఇరుకు అద్దిల్లు

కాలైనా పెడుతుందా నీ ఇంట్లో పెనుతుఫానసలు

ఒరే ఆంజినేయులు తెగ ఆయాస పడిపోకు చాలు

మనం ఈదుతున్నాం ఒక చెంచాడు భవసాగరాలు

కరెంటు రెంటు ఎక్సెట్రా మన కష్టాలు

కర్రీలో కారం ఎక్కువ అయితే కన్నీళ్ళు

నైటంతా దోమల్తో ఫైటింగే మనకి గ్లోబల్ వార్

హాబీగా ఫీలయ్యే టెన్షన్లేం పడకు గోలీమార్

Khadgam - nuvvu nuvvu

నువ్వు నువ్వు

నువ్వు నువ్వు నువ్వే నువ్వు

నువ్వు నువ్వు నువ్వు

నాలోనే నువ్వు

నాతోనే నువ్వు

నా చుట్టూ నువ్వు

నేనంతా నువ్వు

నా పెదవిపైన నువ్వు

నా మెడ వంపున నువ్వు

నా గుండె మీద నువ్వు

ఒళ్ళంతా నువ్వు

బుగ్గల్లో నువ్వు మొగ్గల్లే నువ్వు

ముద్దేసే నువ్వు

నిద్దర్లో నువ్వు పొద్దుల్లో నువ్వు

ప్రతి నిమిషం నువ్వు

నా వయసును వేధించే వెచ్చదనం నువ్వు

నా మనసుని లాలించే చల్లదనం నువ్వు

పైటే బరువనిపించే పచ్చిదనం నువ్వు

బైట పడాలనిపించే పిచ్చిదనం నువ్వు

నా ప్రతి యుద్ధం నువ్వు

నా సైన్యం నువ్వు

నా ప్రియ శతృవు నువ్వు

మెత్తని ముల్లై గిల్లే తొలి చినుకే నువ్వు

నచ్చే కష్టం నువ్వు

నా సిగ్గుని దాచుకునే కౌగిలివే నువ్వు

నావన్నీ దోచుకునే కోరికవే నువ్వు

మునిపంటితొ నను గిచ్చే నేరానివి నువ్వు

నా నడుమును నడిపించే నేస్తానివి నువ్వు

తీరని దాహం నువ్వు నా మోహం నువ్వు

తప్పని స్నేహం నువ్వు నువ్వు

తీయని గాయం చేసే అన్యాయం నువ్వు

అయినా ఇష్టం నువ్వు నువ్వు

మైమరపిస్తూ నువ్వు

మురిపిస్తుంటే నువ్వు

నే కోరుకునే నా మరో జన్మ నువ్వు

కైపెక్కిస్తూ నువ్వు కవ్విస్తుంటే నువ్వు

నాకేతెలియని నా కొత్త పేరు నువ్వు

నా అందం నువ్వు ఆనందం నువ్వు

నేనంటే నువ్వు

నా పంతం నువ్వు నా సొంతం నువ్వు

నా అంతం నువ్వు

Happy - Nee KOsaM

నీ కోసం

నీ కోసం ఒక మధుమాసం

అందించిన ఈ జన్మ నీదేనే చెలి కొమ్మ

తనలో చిగురాశల గంధం నీ శ్వాసకి పంచమని

చలిగాలికి చెదరని బంధం నీ నవ్వుతో పెంచమని

నీ కోసం ఒక మధుమాసం

అందించిన ఈ జన్మ నీదేనే చెలి కొమ్మ

దూరంగానే ఉంటా నువు కందే మంటై చేరగా

దీపంలా చూస్తుంటా నడి రేయంతా నీ తోడుగా

కలకలాన్ని రగిలిస్తున్న చలి సంకెళ్ళు తెగేట్టుగా

నీ కోసం ఒక మధుమాసం

పాదం నేనై వస్తా దరిచేరే దారే చూపగా

ప్రాణం పందెం వేస్తా ప్రతి గెలుపు మెళ్ళో వాలగా

కలలెట్టున్నా నీ ముందొచ్చి నిలబడాలి నిజాలుగా

Atidhi - satyaM EmiTO

సత్యం ఏమిటో

సత్యం ఏమిటో స్వప్నం ఏమిటో చెప్పేదెవరు ఏ కంటికైనా

రెప్పల దుప్పటి కప్పే చీకటి చూపించేనా ఏ కాంతినైనా

నిను నీవే సరిగా కనలేవే మనసా

నడిరాతిరి నడక కడతేరదు తెలుసా

ఏవో ఙాపకాల సుడి దాటి బయటపడలేవా

ఎన్నో తీపి సంగతుల రేపు పిలుపు వినలేవా

చంద్రుడి ఎదలో మంటని వెన్నెల అనుకుంటారని

నిజమైనా నమ్మేస్తామా భ్రమలో పడమా తెలిసి

జాబిలిని వెలి వేస్తామా తనతో చెలిమే విడిచి

రూపం లేదు గనక సాక్ష్యాలు అడిగి ఎవరైనా

ప్రాణం ఉనికిపైన అనుమానపడరు ఎపుడైనా

నిను నీవే సరిగా కనలేవే మనసా

నడిరాతిరి నడక కడతేరదు తెలుసా

పోయింది వెతికే వేదన పొందింది ఏదో పోల్చునా

సంద్రంలో ఎగసే అలకి అలజడి నిలచేదెపుడో

సందేహం కలిగే మదికి కలతలు తీర్చేదెవరో

శాపంలాగ వెంటపడుతున్న గతం ఏదైనా

దీపంలాగ తగిన దారేదో చూపగలిగేనా

Atidhi - khabaDdArani

ఖబడ్దారని

ఖబడ్దారని కబురు పెట్టరా

గుబులు పుట్టదా చెడు గుండెలో

నిదర దారిని తగలబెట్టరా

పగలు పుట్టదా నడి రాత్రిలో

పిరికిగ పరుగు తీస్తావా

పొగరుగ పోరు చేస్తావా

కలుగున నక్కి ఉంటావా

ఎవరికీ చిక్కనంటావా

చెడునే తరుముతుంటే ఎక్కడున్నా కంటపడవా

ఖతం ఖతం ఖేల్ ఖతం ఖతం

నీ పేరే సమరశంఖమై వినిపించనీ విద్రోహికి

ఆయువు తోడేసే యముడి పాశమే అనిపించనీ అపరాధికి

పిడికిలి ఎత్తి శాసించు

పిడుగుని పట్టి బంధించు

యుద్ధం తప్పదంతే బ్రతుకు పద్మవ్యూహమైతే

ఖతం ఖతం ఖేల్ ఖతం ఖతం

Preminchu - tolisAri ninu cUsi

తొలిసారి నిను చూసి

తొలిసారి నిను చూసి ప్రేమించినా

బదులిచ్చినావమ్మ ప్రియురాలిగా

తొలిసారి నిను తాకి ప్రేమించినా

మనసిచ్చినానమ్మ ప్రియ నేస్తమా

కలలోనూ ఇలా కలిసుండాలని

విడిపోని వరమీయవా అన్నది ప్రేమ

తూగే నా పాదం నువ్వే నడిపిస్తుంటే

సాగింది పూబాట నీవుగా

ఊగే నీ ప్రాయం నా వేలే శృతి చేస్తుంటే

మోగింది వయ్యారి వీణగా

ముద్దుల ఊసులు మబ్బుల గీతికి తీసుకు వెళ్ళాలి

ముచ్చట చూసిన అల్లరి గాలులు పల్లకి తేవాలి

అనుబంధానికి ప్రతిరూపం అని

మన పేరే ప్రతి వారికి చెబుతోంది ప్రేమ

నిన్నే నాకోసం పంపిచాడేమో బ్రహ్మ

నడిచేటి నా ఇంటి దీపమా

నీతో సావాసం పండించింది నా జన్మ

నూరేళ్ళ నా నుసట కుంకుమ

పచ్చని శ్వాసల యవ్వన గీతికి పల్లవి నువ్వంట

పచ్చని ఆశల పూ పులకింతకి పందిరి నీవంట

మన బిడి కౌగిలి తన కోవెల అని

కొలువుండి పోవాలని చేరింది ప్రేమ

Gayam - niggadIsi aDugu

నిగ్గదీసి అడుగు

నిగ్గదీసి అడుగు ఈ సిగ్గులేని జనాన్ని

అగ్గితోటి కడుగు ఈ సమాజ జీవచ్ఛవాన్ని

మారదు లోకం మారదు కాలం

దేవుడు దిగిరానీ ఎవ్వరు ఏమైపోనీ

మారదు లోకం మారదు కాలం

గాలివాటు గమనానికి కాలిబాట దేనికి

గొర్రెదాటు మందకి నీ ఙానబోధ దేనికి

ఏ చరిత్ర నేర్చుకుంది పచ్చని పాఠం

ఏ క్షణాన మార్చుకుంది చిచ్చుల మార్గం

రామబాణమార్పిందా రావణ కాష్టం

కృష్ణ గీత ఆపిందా నిత్య కురుక్షేత్రం

పాత రాతి గుహలు పాల రాతి గృహాలైనా

అడవి నీతి మారిందా ఎన్ని యుగాలైనా

వేట అదే వేటు అదే నాటి కథే అంతా

నట్టడవులు నడివీధికి నడిచొస్తే వింతా

బలవంతులె బ్రతకాలనే సూక్తి మరవకుండ

శతాబ్దాలు చదవలేద ఈ అరణ్య కాండ

Gayam - alupannadi uMdA

అలుపన్నది ఉందా

అలుపన్నది ఉందా ఎగిరే అలకు ఎదలోని లయకు

అదుపన్నది ఉందా కలిగే కలకు కరిగే వరకు

మెలికలు తిరిగే నది నడకలకు

మరి మరి ఉరికే మది తలపులకు

నాకోసమే చినుకై కరిగి ఆకాశమే దిగదా ఇలకు

నాసేవకే సిరులే చిలికి దాసోహమే అనదా వెలుగు

ఆరారు కాలాల అందాలు బహుమతి కావా నా ఊహలకు

కలలను తేవా నా కన్నులకు

నీచూపులే తడిపే వరకు ఏమైనదో నా వయసు

నీఊపిరే తగిలే వరకు ఎటు ఉన్నదో మెరిసే సొగసు

ఏడేడు లోకాల ద్వారాల తలుపులు తెరిచే తరుణం కొరకు

ఎదురుగా నడిచే తొలి ఆశలకు

Ninne Pelladata - eTO veLLipOyiMdi

ఎటో వెళ్ళిపోయింది

ఎటో వెళ్ళిపోయింది మనసు

ఇలా వంటరయ్యింది వయసు

ఓ చల్ల గాలి ఆచూకి తీసి కబురీయలేవా ఏమయిందో

ఏ స్నేహమో కావాలని ఇన్నాళ్ళుగా తెలియలేదు

ఇచ్చెందుకే మనసుందని నాకెవ్వరూ చెప్పలేదు

చెలిమి చిరునామా తెలుసుకోగానే రెక్కలొచ్చాయో ఏమిటో

ఎటో వెళ్ళిపోయింది మనసు

కలలన్నవే కొలువుండనీ కనులుండి ఏం లాభమంది

ఏ కదలిక కనిపించని శిలలాంటి బ్రతుకెందుకంది

తోడు ఒకరుంటే జీవితం ఎంతో వేడుకౌతుంది అంటూ

ఎటో వెళ్ళిపోయింది మనసు

Ninne Pelladata - kannullO nI rUpamE

కన్నుల్లో నీ రూపమే

కన్నుల్లో నీ రూపమే

గుండెల్లో నీ ధ్యానమే

నా ఆశ నీ స్నేహమే

నా శ్వాస నీ కోసమే

ఆ ఊసుని తెలిపేందుకు

నా భాష ఈ మౌనమే

మది దాచుకున్న రహస్యాన్ని వెతికేటి నీ చూపునాపేదెలా

నీ నీలికన్నుల్లో పడి మునకలేస్తున్న నా మనసు తేలేదెలా

గిలిగింత పెడుతున్న నీ చిలిపి తలపులతో ఏమో ఎలా వేగడం

అదిరేటి పెదవుల్ని బతిమాలుతున్నాను మదిలోని మాటేదని

తల వంచుకుని నేను తెగ ఎదురుచూసాను నీ తెగువ చూడాలని

చూస్తూనే వేలంత తెలవారి పోతుందో ఏమో ఎలా ఆపడం

Monday, September 17, 2007

Nuvve Nuvve - cheliyA nI vaipE vastunnA

చెలియా నీవైపే వస్తున్నా

చెలియా నీవైపే వస్తున్నా

కంట పడవా ఇకనైనా ఎక్కడున్నా

నిద్దర పోతున్న రాతిరినడిగా

గూటికి చేరిన గువ్వలనడిగా

చల్లగాలినడిగా ఆ చందమామనడిగా

ప్రియురాలి జాడ చెప్పరేమని

అందరినీ ఇలా వెంట పడి అడగాలా

సరదాగా నువ్వే ఎదురైతే సరిపోదా

అసలే ఒంటరితనం అటుపై నిరీక్షణం

అరెరే పాపమని జాలిగా చూసే జనం

గోరంత గొడవ జరిగితె కొండంత కోపమా

నన్నొదిలి నువ్వు ఉండగలవ నిజం చెప్పవమ్మా

నువ్వు నా ప్రాణం అని విన్నవించు ఈ పాటని

ఎక్కడో దూరానున్న చుక్కలే విన్నాగాని

కదిలించలేద కాస్త కూడ నీ మనస్సుని

పరదాలు దాటి ఒక్కసారి పలకరిచవేమే

Nuvve Nuvve - nA manasukEmayiMdi

నా మనసుకేమయింది

నా మనసుకేమయింది నీ మాయలో పడింది

నిజమా కలా తెలిసేదెలా

నాకు అలాగె ఉంది ఎన్నో అనాలనుంది

దాచేదెలా లోలోపల

మన ఇద్దరికి తెలియనిది ఏదో జరిగే ఉంటుంది

అందుకే ఇంతలా గుండె ఉలికి పడుతు ఉంది

చుక్కలే తెచ్చి ఇవ్వనా అంది నీ మీద నాకున్న ప్రేమ

కొత్తగా ఉంది బొత్తిగా నమ్మలేనంత ఈ వింత ధీమా

జంటగా వెంట నువ్వుంటే అందడా నాకు ఆ చందమామ

అందుకే నాకు నువ్వంటే మాటలో చెప్పలేనంత ప్రేమ

పంచుకున్న ముద్దులో ఇలా జతే పడి

పెంచుకున్న మత్తులో పడి మతే చెడి

గాలితో చెప్పనీ మన మొదటి గెలుపు ఇదని

ఎప్పుడూ గుండె చప్పుడు కొట్టుకుంటుంది నీ పేరు లాగ

ఎప్పుడో అప్పుడప్పుడు గుర్తుకొస్తొంది నా పేరు కొద్దిగ

ఒంటిగా ఉండనివ్వదు కళ్ళలో ఉన్న నీ రూపురేఖ

ఇంతగా నన్ను ఎవ్వరూ కమ్ముకోలేదు నీలా ఇలాగ

లోకమంటె ఇద్దరే అదే మనం అని

స్వర్గమంటె ఇక్కడే అంటే సరే అని

వెన్నెలే పాడనీ మన చిలిపి చెలిమి కథని

Nuvve Nuvve - E chOTa unnA

ఏ చోట ఉన్నా

ఏ చోట ఉన్నా నీ వెంట లేనా

సముద్రమంతా నా కన్నుల్లో కన్నీటి అలలవుతుంటే

ఎడారి అంతా నా గుండెల్లో నిట్టూర్పు సెగలవుతుంటే

రేపు లేని చూపు నేనై శ్వాస లేని ఆశ నేనై మిగలనా

నువ్వే నువ్వే కావాలంటుంది పదే పదే నా ప్రాణం

నిన్నే నిన్నే వెంటాడుతు ఉంది ప్రతి క్షణం నా మౌనం

నేల వైపు చూసే నేరం చేసావని

నీలి మబ్బు నిందిస్తుందా వాన చినుకుని

గాలి వెంట వెళ్ళే మారం మానుకోమని

తల్లి తీగ బంధిస్తుందా మల్లె పూవుని

ఏమంత పాపం ప్రేమ ప్రేమించడం

ఇకనైనా చాలించమ్మా వేధించడం

చెలిమై కురిసే సిరివెన్నెలవో క్షణమై కరిగే కలవా

వేలు పట్టి నడిపిస్తుంటే చంటిపాపలా

నా అడుగులు అడిగే తీరం చేరేదెలా

వేరెవరో చూపిస్తుంటే నా ప్రతి కల

కంటిపాప కోరే స్వప్నం చూసేదెలా

నాక్కూడ చోటేలేని నా మనసులో

నిన్నుంచగలనా ప్రేమ ఈ జన్మలో

వెతికే మజిలి దొరికే వరకు నడిపే వెలుగై రావా

Nuvvu Naku Nachchav - O navvu chAlu

ఓ నవ్వు చాలు

నా చెలియ పాదాలు హంసలకే పాఠాలు

తాను పలికితె చాలు తేనె జలపాతాలు

ఓ నవ్వు చాలు ఎన్నెన్నొ వలలు వేస్తూ అల్లుకుంటుంది

ముత్యాల ఝల్లు మృదువైన ముల్లు మదిలో గుచ్చుకుంటుంది

ఆ సోగ కళ్ళ ఓ సైగ చాలు మనసే ఆగనంటుంది

చెక్కిళ్ళలోని నొక్కుల్లో చేరి మళ్ళీ తిరిగి రానంది

పట్టపగలెవరైనా రాతిరిని చూస్తారా

తన కురులు చూపిస్తా అవుననక ఛస్తారా

గుండెల్లో భోగి మంటలా ఎండల్లో లేత వెన్నెల

కొండల్లో ఏటి పరుగులా దూకుతున్న లయలో

గుమ్మంలో సందె వెలుగులా కొమ్మల్లో కొత్త చిగురులా

మబ్బుల్లో వెండి మెరుపులా ఆమెకెన్ని హొయలో

అలా నడిచి వస్తూంటే పూవుల వనం

శిలైపోని మనిషుంటే మనిషే అనం

గాలుల్లో ఆమె పరిమళం ఊపిరిలో నిండి ప్రతి క్షణం

ఎటు ఉన్నా నన్ను వదలదే ఎలా తప్పుకోను

గుర్తొస్తే ఆమె పరిచయం కవ్వించే పడుచు పసిదనం

రెప్పల్లో కైపు కలవరం ఎలా దాచుకోను

కలో కాదో నాకే నిజం తేలక

ఎలా చెప్పడం తాను నాకెవ్వరో

అదిరి పడకయ్యా ఇది ఆమె మాయ

ఇది కవిత కాదబ్బా మన్మధుడి దెబ్బ

Nuvvu Naku Nachchav - nA cUpE ninu vetikinadi

నా చూపే నిను వెతికినది

నా చూపే నిను వెతికినది నీ వైపే నను తరిమినది

నాకెందుకిలా ఔతోంది నా మదినడిగితె చెబుతుంది

నువ్వే నువ్వే తనలోనె ఉన్నావంటు

నీకే నీకే చెప్పాలి అంటున్నది

నిన్నే తలచిన ప్రతి నిమిషం ఏదో తెలియని తీయదనం

నాలో నిలవని నా హృదయం ఏమౌతుందని చిన్న భయం

గుండెలోన చోటిస్తాలే నన్ను చేరుకుంటే

వేలు పట్టి నడిపిస్తాలే నా వెంటే నీవుంటే

పెదవులు దాటని ఈ మౌనం అడిగేదెలాగ నీ స్నేహం

అడుగులు సాగని సందేహం చెరిపేదెలాగ ఈ దూరం

దిగులు కూడ తీయగలేదా ఎదురు చూస్తూ ఉంటే

పగలు కూడ రేయైపోదా నీవుంటే నా వెంటే

Nuvvu Naku Nachchav - okka sAri ceppalEvA

ఒక్క సారి చెప్పలేవా

ఒక్క సారి చెప్పలేవా నువ్వు నచ్చావని

చెంత చేరి పంచుకోవా ఆశ నీ శ్వాసని

మన గుండె గుప్పెడంత తన ఊహ ఉప్పెనంత

ఒదిగుండమనక వదిలేయమంటు బతిమాలుకున్న వేళ

వెన్నెలేదో వేకువేదో నీకు తెలుసా మరి

నిదురపోయే మదిని గిల్లి ఎందుకా అల్లరి

చందమామ మనకందదని ముందుగానె అది తెలుసుకుని

చేయిజాచి పిలవద్దు అని చంటిపాపలకు చెబుతామా

లేనిపోని కలలెందుకని మేలుకుంటె అవి రావు అని

జన్మలోనె నిదరోకు అని కంటిపాపలకు చెబుతామా

కలలన్నవి కలలని నమ్మనని

అవి కలవని పిలవకు కలవమని

మది మీటుతున్న మధురానుభూతి మననడిగి చేరుతుందా

అందమైన హరివిల్లులతో వంతెనేసి చిరుజల్లులతో

చుక్కలన్ని దిగి వస్తుంటే కరిగిపోని దూరం ఉందా

అంతులేని తన అల్లరితో అలుపులేని తన అలజడితో

కెరటమెగిరి పడుతూ ఉంటే ఆకాశం తెగి పడుతుందా

మనసుంటే మార్గం ఉంది కద అనుకుంటే అందనిదుంటుందా

అనుకున్నవన్ని మనకందినట్టే అనుకుంటే తీరిపోదా

 Nuvvu Naku Nachchav - unnamATa cheppanIvu

ఉన్నమాట చెప్పనీవు

ఉన్నమాట చెప్పనీవు ఊరుకుంటె ఒప్పుకోవు ఇంకెలాగె సత్యభామ

నన్ను దాటి వెళ్ళలేవు నిన్ను నువ్వు దాచలేవు ఏమి చెయ్యనయ్యోరామ

అనుకున్నా తప్పు కదా మోమాటం ముప్పు కద

మనసైతే ఉంది కదా మన మాటేం వినదు కద

పంతం మానుకో భయం దేనికో

వద్దన్నకొద్ది తుంటరిగా తిరగకలా నా వెనక

నిద్దర్లో కూడ వంటరిగా వదలవుగా

నన్నాశపెట్టి ఈ సరదా నేర్పినదే నువ్వు గనక

నా కొంగు పట్టి నడవనిదే కుదరదుగా

అడుగడుగున ఎదురైతే ఏ దారి తోచదుగా

అటు ఇటు ఎటు తేల్చవుగా మన కథ నువు తొందరగా

ప్రతీ చోట నీ నవ్వే పిలుస్తోందిగా

ఆమాయకంగ చూడకలా వేడుకలా చిలిపి కల

అయోమయంగ వెయ్యకలా హాయి వల

నీ మీదకొచ్చి ఉరితాడై వాలదుగా వాలు జడ

దానొంక చూస్తే ఎందుకట గుండె ధడ

మరి మరి శృతి మించి ఇలా నను మైమరపించకలా

తడబడి తల వంచి ఇలా తలపును అణిచేస్తే ఎలా

మరేం చెయ్యనే నీతో ఎలా వేగనే

Nuvvu Naku Nachchav - AkASaM digi vachchi

ఆకాశం దిగివచ్చి

ఆకాశం దిగివచ్చి మబ్బులతో వెయ్యాలి మన పందిరి

ఊరంతా చెప్పుకునే ముచ్చటగా జరగాలి పెళ్ళంటే మరి

చెరి సగమవమని మనసులు కలుపుతు తెర తెరిచిన తరుణం

ఇదివరకెరగని వరసలు కలుపుతు మురిసిన బంధు జనం

మా ఇళ్ళ లేత మావిళ్ళ తోరణాలన్ని పెళ్ళి శుభలేఖలే

అక్షింతలేసి ఆశీర్వదించమను పిలుపులైనవీ గాలులే

చెంపలో విరబూసే అమ్మాయి సిగ్గు దొంతరలు

ఆ సొంపులకు ఎర వేసే అబ్బాయి చూపు తొందరలు

ఏ వరాలో ఈ జవరాలై జతపడు సమయంలో

వానవిల్లే వధువుగ మారి ఒదిగిన వేడుకలో

తన సరసన విరిసిన సిరిసిరి సొగసుల కులుకుల కలువకు కానుకగా

ఎద సరసున ఎగసిన అలజడి అలలే తాకగా

విన్నవారెవరసలు సన్నాయి వారి సంగతులు

సనసన్నగా రుసరుసలు వియ్యాల వారి విసవిసలు

సందు చూసి చక చక ఆడే జూద శిఖామణులు

పందిరంతా ఘుమ ఘుమలాడే విందు సువాసనలు

తమ నిగనిగ నగలను పదుగురి ఎదురుగ ఇదిగిదిగో అని చూపెడుతూ

తెగ తిరిగే తరుణుల తికమక పరుగులు చూడగా

Nuvve Kavali - kaLLallOki kaLLupeTTi

కళ్ళల్లోకి కళ్ళు పెట్టి

కళ్ళల్లోకి కళ్ళు పెట్టి చూడవెందుకు

చెప్పలేని గుండె కోత పోల్చుకుందుకు

మనం అన్నది ఒకే మాటని నాకిన్నాళ్ళూ తెలుసు

నువ్వు నేను ఇద్దరున్నామంటే నమ్మనంటూ ఉంది మనసు

ఈనాడే సరికొత్తగా మొదలైందా మన జీవితం

గతమంటూ ఏంలేదని చెరిగిందా ప్రతి ఙాపకం

కనులు మూసుకుని ఏం లాభం

కలైపోదుగా ఏ సత్యం

ఎటూ తేల్చని నీ మౌనం

ఎటో తెలియని ప్రయాణం

ప్రతి క్షణం ఎదురయే నన్నే దాటగలదా

గాలిపటం గగనానిదా ఎగరేసే ఈ నేలదా

మోహమయం నీ చెలిమిదా ముడివేసే ఇంకొకరిదా

నిన్నామొన్నలని నిలువెల్ల

నిత్యం నిన్ను తడిమే వేళ

తడే దాచుకున్న మేఘంలా

ఆకాశాన నువ్వు ఎటువున్నా

చినుకులా కరగక శిలై ఉండగలవా

Nuvve Kavali - ekkaDa unnA

ఎక్కడ ఉన్నా

ఎక్కడ ఉన్నా పక్కన నువ్వే ఉన్నట్టుంటుంది

నా నీడైనా అచ్చం నీలా కనిపిస్తూ ఉంది అరే ఇదేం గారడీ

నేను కూడ నువ్వయానా పేరుకైనా నేను లేనా

దీని పేరేనా ప్రేమ అనే ప్రియ భావన

నిద్దర తుంచే చల్లని గాలి వద్దకు వచ్చి తానెవరంది

నువ్వే కాదా చెప్పు ఆ పరిమళం

వెన్నెల కన్నా చల్లగ ఉన్న చిరునవ్వేదో తాకుతు ఉంది

నీదే కాదా చెప్పు ఆ సంబరం

కనుల ఎదుట నువ్వు లేకున్నా మనసు నమ్మదే చెబుతున్నా

ఎవరు ఎవరితో ఏమన్నా నువ్వు పిలిచినట్టనుకున్నా

ఇది హాయో ఇది మాయో నీకైనా తెలుసునా

ఏమిటౌతోందో ఇలా నా ఎద మాటున

దీని పేరేనా ప్రేమ అనే ప్రియ భావన

కొండల నుంచి కిందికి దూకే తుంటరి వాగు నాతో అంది

నువ్వు అలా వస్తూ ఉంటావని

గుండెల నుంచి గుప్పున ఎగసే ఊపిరి నీకో కబురంపింది

చెలి నీకై చూస్తూ ఉంటానని

మనసు మునుపు ఎపుడూ ఇంత ఉలికి ఉలికి పడలేదు కద

మనకు తెలియనిది ఈ వింత ఎవరి చలవ ఈ గిలిగింత

నాలాగే నీక్కూడ అనిపిస్తూ ఉన్నదా

ఏమి చేస్తున్నా పరాకే అడుగడుగునా

దీని పేరేనా ప్రేమ అనే ప్రియ భావన

Nuvve Kavali - anaganagA AkASaM

అనగనగా ఆకాశం ఉంది

అనగనగా ఆకాశం ఉంది ఆకాశంలో మేఘం ఉంది

మేఘం వెనుక రాగం ఉంది రాగం నింగిని కరిగించింది

కరిగే నింగి చినుకయ్యింది చినుకే చిటపట పాటయ్యింది

చిటపట పాటే తాకిన నేల చిలకలు వాలే చెట్టాయ్యింది

నా చిలక నువ్వే కావాలి నా రాచిలక నవ్వే కావాలి

రాగాల గువ్వై రావాలి అనురాగాల మువ్వై మోగాలి

ఊగే కొమ్మల్లోన చిరుగాలి ఖవ్వాలి పాడి కచ్చేరి చేసే వేళల్లో

గుండెల గుమ్మంలోన సరదాలే సయ్యాటలు ఆడి తాళాలే వేసే వేళల్లో

కేరింతలే ఏ దిక్కున చూస్తున్నా కవ్వింతగా

నీ చెలిమే చిటికేసి నను పిలిచే నీకేసి

నువు చెవిలో చెప్పే ఊసుల కోసం నేనొచ్చేసా పరుగులు తీసి

చుక్కల్లోకం చుట్టు తిరగాలి అనుకుంటు ఊహ ఊరేగే వెన్నెల దారుల్లో

నేనున్నా రమ్మంటు ఓ తార నాకోసం వేచి సావాసం పంచే సమయంలో

నూరేళ్ళకి సరిపోయే ఆశలని పండించగా

ఆ స్నేహం చిగురించి ఏకాంతం పులకించి

అనుబంధాలే సుమగంధాలై ఆనందాలే విరబూస్తూ ఉంటే

నా చిలక నువ్వే కావాలి నా రాచిలక నవ్వే కావాలి

Swarnakamalam - ghallughallu

ఘల్లుఘల్లుఘల్లుమంటు

ఘల్లుఘల్లుఘల్లుమంటు మెరుపల్లే తుళ్ళు

ఝల్లుఝల్లుఝల్లున ఉప్పొంగు నింగి ఒళ్ళు

నల్లమబ్బు చల్లనీ చల్లని చిరుజల్లు

పల్లవించనీ నేలకి పచ్చని పరవళ్ళు

ఘల్లుఘల్లుఘల్లుమంటు మెరుపల్లే తుళ్ళు

ఝల్లుఝల్లుఝల్లున ఉప్పొంగు నింగి ఒళ్ళు

వెల్లువొచ్చి సాగనీ తొలకరి అల్లర్లు

ఎల్లలన్నవే ఎరగని వేగంతో వెళ్ళు

ఘల్లుఘల్లుఘల్లుమంటు మెరుపల్లే తుళ్ళు

ఝల్లుఝల్లుఝల్లున ఉప్పొంగు నింగి ఒళ్ళు

లయకే నిలయమై నీ పాదం సాగాలి

మలయానిల గతిలో సుమబాలగతూగాలి

వలలో ఒదుగునా విహరించే చిరుగాలి

సెలయేటికి నటనం నేర్పించే గురువేడి

తిరిగే కాలానికి తీరొకటుంది

అది నీ పాఠానికి దొరకను అంది

నటరాజస్వామి జటాజూటిలోకి చేరకుంటే విరుచుకుపడు సురగంగకు విలువేముంది విలువేముంది

ఘల్లుఘల్లుఘల్లుమంటు మెరుపల్లే తుళ్ళు

ఝల్లుఝల్లుఝల్లున ఉప్పొంగు నింగి ఒళ్ళు

దూకే అలలకు ఏ తాళం వేస్తారు

కమ్మని కలలపాట ఏ రాగం అంటారు

అలలకు అందునా ఆశించిన ఆకాశం

కలలా కరగడమా జీవితాన పరమార్ధం

వద్దని ఆపలేరు ఉరికే ఊహని

హద్దులు దాటరాదు ఆశలవాహిని

అలుపెరగని ఆటలాడు వసంతాలు వలదంటే విరివనముల పరిమళముల విలువేముంది విలువేముంది

Swarnakamalam - aakAsaMlO

ఆకాశంలో

ఆకాశంలో ఆశల హరివిల్లు

ఆనందాలే పూసిన పొదరిల్లు

అందమైన ఆ లోకం అందుకోనా

ఆదమరిచి కలకాలం ఉండిపోనా

మబ్బుల్లో తూలుతున్న మెరుపైపోనా

వయ్యారి వానజల్లై దిగిరానా

సంద్రంలో పొంగుతున్న అలనైపోనా

సందెల్లో రంగులెన్నో చిలికేనా

పిల్లగాలే పల్లకీగా దిక్కులన్నీ చుట్టిరానా

నా కోసం నవరాగాలే నాట్యమాడెనుగా

స్వర్గాల స్వాగతాలు తెలిపే గీతం

స్వప్నాల సాగరాల సంగీతం

ముద్దొచ్చే తారలెన్నో మెరిసే తీరం

ముత్యాల తోరణాల ముఖద్వారం

శోభలీనే సొయగాన చందమామ మందిరాన

నా కోసం సురభోగాలే వేచినిలిచెనుగా

Swarnakamalam - kotthagA rekkalocchenA

కొత్తగా రెక్కలొచ్చెనా

కొత్తగా రెక్కలొచ్చెనా గూటిలోని గువ్వపిల్లకి

మెత్తగా రేకు విచ్చెనా

మెత్తగా రేకు విచ్చెనా

కొమ్మ చాటునున్న కన్నెమల్లికి

కొమ్మ చాటునున్న కన్నెమల్లికి

కొత్తగా రెక్కలొచ్చెనా మెత్తగా రేకు విచ్చెనా

కొండగాలి మార్చింది కొంటె వాగు జోరు

కులుకులెన్నో నేర్చింది కలికి ఏటినీరు

బండరాల హోరు మారి పంటచేల పాటలూరి

మేఘాల రాగాల మాగాణి ఊగేల

సిరిచిందులేసింది కనువిందు చేసింది

కొత్తగా రెక్కలొచ్చెనా మెత్తగా రేకు విచ్చెనా

వెదురులోకి ఒదిగింది కుదురులేని గాలి

ఎదురులేక ఎదిగింది మధురగానకేళి

భాషలోన రాయలేని రాసలీల రేయిలోని

యమునాతరంగాల కమనీయ శృంగార కళలెన్నో చూపింది కలలెన్నో రేపింది

కొత్తగా రెక్కలొచ్చెనా గూటిలోని గువ్వపిల్లకి

మెత్తగా రేకు విచ్చెనా

మెత్తగా రేకు విచ్చెనా

కొమ్మ చాటునున్న కన్నెమల్లికి

కొమ్మ చాటునున్న కన్నెమల్లికి

కొత్తగా రెక్కలొచ్చెనా మెత్తగా రేకు విచ్చెనా

Swarnakamalam - siva pUjaku

శివపూజకు

శివపూజకు చివురించిన సిరి సిరి మువ్వ

సిరి సిరి మువ్వ సిరి సిరి మువ్వ

మృదుమంజుల పదమంజరి పూచిన పువ్వా

సిరి సిరి మువ్వ సిరి సిరి మువ్వ

యతిరాజుకు జతిస్వరముల పరిమళమివ్వా

సిరి సిరి మువ్వ సిరి సిరి మువ్వ

నటనాంజలితో బ్రతుకును తరించనీవా

సిరి సిరి మువ్వ సిరి సిరి మువ్వ

పరుగాపక పయనించవే తలపులనావా

కెరటాలకు తలవంచితే తరగదు త్రోవ

ఎదిరించిన సుడిగాలిని జయించినావా

మదికోరిన మధుసీమలు వరించి రావా

పడమర పడగలపై మెరిసే తారలకై

పడమర పడగలపై మెరిసే తారలకై రాత్రిని వరించకే సంధ్యాసుందరి

తూరుపు వేదికపై వేకువ నర్తకివై

తూరుపు వేదికపై వేకువ నర్తకివై ధాత్రిని మురిపించే కాంతులు చిందనీ

నీ కదలిక చైతన్యపు శ్రీకారం కానీ

నిదురించిన హృదయరవళి ఓంకారం కానీ

శివపూజకు చివురించిన సిరి సిరి మువ్వ

సిరి సిరి మువ్వ సిరి సిరి మువ్వ

మృదుమంజుల పదమంజరి పూచిన పువ్వా

సిరి సిరి మువ్వ సిరి సిరి మువ్వ

తన వేళ్ళే సంకెళ్ళై కదలలేని మొక్కలా

ఆమనికై ఎదురు చూస్తూ ఆగిపోకు ఎక్కడా

అవధి లేని అందముంది అవనికి నలుదిక్కులా

ఆనందపు గాలివాలు నడపనీ నిన్నిలా

ప్రతిరోజొక నవగీతిక స్వాగతించగా

వెన్నెల కిన్నెరగానం నీకుతోడుగా

పరుగాపక పయనించవే తలపులనావా

కెరటాలకు తలవంచితే తరగదు త్రోవ

చలితచరణ జనితం నీ సహజ విలాసం

జ్వలిత కిరణ కలితం సౌందర్య వికాసం

నీ అభినయ ఉషోదయం తిలకించిన రవినయనం

గగనసరసి హృదయంలో వికసిత శతదళ శోభల సువర్ణకమలం

పరుగాపక పయనించవే తలపులనావా

కెరటాలకు తలవంచితే తరగదు త్రోవ

Nuvvostanante Nenoddantana - chaMdrullO uMDE kuMdElu

చంద్రుళ్ళో ఉండే కుందేలు

చంద్రుళ్ళో ఉండే కుందేలు కిందికొచ్చిందా

కిందికొచ్చి నీలా మారిందా

చుక్కల్లో ఉండే జిగేలు నిన్ను మెచ్చిందా

నిన్ను మెచ్చి నీలో చేరిందా

నువ్వలా సాగే దోవంతా నావలా తూగే నీవెంట

నువ్వెళ్ళే దారే మారిందా నీవల్లే తీరే మారి ఏరై పారిందా నేలంతా

గువ్వలా దూసుకువచ్చావే తొలి యవ్వనమా తెలుసా ఎక్కడ వాలాలో

నవ్వులే తీసుకు వచ్చావే ఈడు సంబరమా తెలుసా ఎవ్వరికివ్వాలో

కూచిపూడి అన్న పదం కొత్త ఆట నేర్చిందా

పాపలాంటి లేత పదం పాఠశాలగా

కూనలమ్మ జానపదం పల్లె దాటి వచ్చిందా

జావళీల జాణతనం బాటచూపగా

కుంచెలో దాగే చిత్రాలు ఎదురొచ్చేలా

అంతటా ఎన్నో వర్ణాలు

మంచులో దాగే చైత్రాలు బదులిచ్చేలా

ఇంతలా ఏవో రాగాలు

ఆకతాయి సందడిగా ఆగలేని తొందరగా

సాగుతున్న ఈ పయనం ఎంత వరకో

రేపు వైపు ముందడుగా లేని పోని దుందురుకా

రేగుతున్న ఈ వేగం ఎందుకొరకో

మట్టికి మబ్బుకి ఈ వేళ దూరమెంతంటే

లెక్కలే మాయం అయిపోవా

రెంటినీ ఒక్కటి చేసేలా తీరమేదంటే

దిక్కులే తత్తర పడిపోవా

Nuvvostanante Nenoddantana - niluvaddamu

నిలువద్దము నిను ఎపుడైనా

నిలువద్దము నిను ఎపుడైనా నువు ఎవ్వరు అని అడిగేనా

ఆ చిత్రమె గమనిస్తున్న్నా కొత్తగా

నువు విన్నది నీ పేరైనా నిను కాదని అనిపించేనా

ఆ సంగతె కనిపెడుతున్నా వింతగా

నీ కన్నుల మెరిసే రూపం నాదేనా అనుకుంటున్నా

నీ తేనెల పెదవులు పలికే తీయదనం నా పేరేనా

అది నువ్వే అని నువ్వే చెబుతూ ఉన్నా

ప్రతి అడుగు తనకు తానే సాగింది నీవైపు నా మాట విన్నంటు నే ఆపలేనంతగా

భయపడకు అది నిజమే వస్తోంది ఈ మార్పు నీ కోతి చిందుల్ని నాట్యాలుగా మార్చగా

నన్నింతగా మర్చేందుకు నీకెవ్వరిచ్చారు హక్కు

నీ ప్రేమనే ప్రశ్నించుకో ఆ నింద నాకెందుకు

ఇది వరకు ఎద లయకు ఏమాత్రమూ లేదు హోరెత్తు ఈ జోరు కంగారు పెట్టేంతగా

తడబడకు నను అడుగు చెబుతాను పాఠాలు లేలేత పాదాలు జలపాతమయ్యేట్టుగా

నా దారినే మళ్ళించగా నీకెందుకు అంత పంతం

మంచేతిలో ఉంటే కదా ప్రేమించడం ఆగడం

Swarna Kamalam - aMdela ravamidi

అందెల రవమిది

ఓం నమో నమో నమశ్శివాయ

మంగళప్రదాయగోతు రంగతే నమః శివాయ

గంగయా తరంగితోత్తమాంగతే నమః శివాయ

ఓం నమో నమో నమశ్శివాయ

శూలినే నమో నమః కపాలినే నమః శివాయ

పాలినే విరంచితుండ మాలినే నమః శివాయ

అందెల రవమిది పదములదా

అంబరమంటిన హృదయముదా

అమృత గానమిది పెదవులదా

అమితానందపు ఎద సడిదా

సాగిన సాధన సార్ధకమందగ యోగ బలముగా యాగ ఫలముగా

బ్రతుకు ప్రణవమై మ్రోగు కదా

మువ్వలు ఉరుముల సవ్వడులై మెలికలు మెరుపుల మెలకువలై

మేను హర్ష వర్ష మేఘమై మేని విసురు వాయు వేగమై

అంగ భంగిమలు గంగ పొంగులై

హావభావములు నింగి రంగులై

లాస్యం సాగే లీల రస ఝరులు జాలువారేలా

జంగమమై జడ పాడగా

జలపాత గీతముల తోడుగా

పర్వతాలు ప్రసవించిన పచ్చని ప్రకృతి ఆకృతి పార్వతి కాగా

నయన తేజమే నకారమై

మనో నిశ్చయం మకారమై

శ్వాస చలనమే శికారమై

వాంచితార్ధమే వకారమై

యోచన సకలము యకారమై

నాదం నకారం మంత్రం మకారం

స్తోత్రం శికారం వేదం వకారం యఙం యకారం

ఓం నమశ్శివాయ

భావమె భవునకు భావ్యము కాగ

భరతమె నిరతము భాగ్యము కాగ

తుహిన గిరులు కరిగేలా తాండవమాడే వేళ

ప్రాణ పంచకమె పంచాక్షరిగా పరమపధము ప్రకటించగా

ఖగోళాలు పద కింకిణులై పది దిక్కుల ధూర్జటి ఆర్భటి రేగ

Nee Sneham - koMta kAlaM kiMdaTa

కొంత కాలం కిందట

కొంత కాలం కిందట బ్రహ్మ దేవుని ముంగిట

రెండు ఆత్మలు కోరుకున్నవి ఓ వరం

రూపురేఖలు వేరట ఊపిరొకటే చాలట

ఆ వరాన్నే స్నేహమంటున్నాం మనం

కంటిపాపను కాపు కాసే జంట రెప్పల కాపలాగా

నిండు చెలిమికి నువ్వు నేను నీడనివ్వాలి

స్నేహమంటే రూపులేని ఊహ కాదని లోకమంతా

నిన్ను నన్ను చూడగానే నమ్మి తీరాలి

బొమ్మా బొరుసు లేని నాణానికి విలువుంటుందా

మనమిద్దరమూ పుట్టుండకపోతే చెలిమికి విలువుందా

సూర్యుడు చంద్రుడు లేని గగనానికి వెలుగుంటుందా

మన కన్నులలో కొలువుండకపోతే చెలిమికి వెలుగుందా

గల గల మని సిరిమువ్వగా కలతెరుగని చిరునవ్వుగా

నా ఎదలయలే తన మధురిమలై సాగాలి నీ స్నేహం

వివరిస్తున్నది అద్దం మన అనుబంధానికి అర్ధం

నువు నాలాగ నే నీలాగ కనిపించడమే సత్యం

నువు చూసే ప్రతి స్వప్నం నా రాతిరి దారికి దీపం

నీ కల నిజమై కనిపించనిదే నిదురించనురా నేస్తం

గెలుపును తరిమే ఆటగా నిలవని పరుగులు తీయగా

మన ప్రాణాలే తన పాదాలై సాగాలి ఈ స్నేహం

Nee Sneham - UrukO hRdayamA

ఊరుకో హృదయమా

ఊరుకో హృదయమా ఉప్పెనై రాకుమా

మాట మన్నించుమా బయట పడిపోకుమా

చెయ్యెత్తి దీవించే వేళ నీ కళ్ళలో జలపాతాల

నీ పేరు నిట్టూర్పుల జ్వాల ప్రణయమా

చూపులో శూన్యమే పెంచుతూ ఉన్నది జాలిగా కరుగుతూ అనుబంధం

చెలిమితో చలువనే పంచుతూ ఉన్నది జ్యోతిగా వెలుగుతూ ఆనందం

కలత ఏ కంటిదో మమత ఏ కంటిదో చెప్పలేనన్నది చెంప నిమిరే తడి

చెయ్యెత్తి దీవించే వేళ నీ కళ్ళలో జలపాతాల నీ పేరు నిట్టూర్పుల జ్వాల ప్రణయమా

దేహమే వేరుగా స్నేహమే పేరుగా మండపం చేరని మమకారం

పందిరై పచ్చగా ప్రేమనే పెంచగా అంకితం చెయ్యనీ అభిమానం

నుదుటిపై కుంకుమై మురిసిపో నేస్తమా కళ్ళకే కాటుకై నిలిచిపో స్వప్నమా

చెయ్యెత్తి దీవించే వేళ నీ కళ్ళలో జలపతాల నీ పేరు నిట్టూర్పుల జ్వాల ప్రణయమా

Nee Sneham - vEyi kannulatO

వేయి కన్నులతో

వేయి కన్నులతో వేచి చూస్తున్నా

తెరచాటు దాటి చేరదా నీ స్నేహం

కోటి ఆశలతో కోరుకుంటున్నా

కరుణించి ఆదరించదా నీ స్నేహం

ప్రాణమే నీకు కానుకంటున్నా

మన్నించి అందుకోవ నేస్తమా

నీ చెలిమే ఊపిరిలా బతికిస్తున్నది నన్ను

నీ తలపే దీపంలా నడిపిస్తున్నది నన్ను

ఎంత చెంత చేరినా సొంతమవని బంధమా

ఎంతగా తపించినా అందనన్న పంతమా

ఎంత ఆశ ఉన్నా నిన్ను పిలిచేదెలాగమ్మ అందాల ఆకాశమా

Nee Sneham - ilA cUDu

ఇలా చూడు

ఇలా చూడు అరచేత వాలింది ఆకాశం

ఇదేనాడు అనుకోని అనురాగ సందేశం

ఈ అనుభవం వెన్నెల వర్షం ఎలా తెలపటం ఈ సంతోషం

నమ్మనంటావొ ఏమో నిజమే తెలుసా

అమృతం నింపె నాలో నీ చిరు స్పర్శ

ఒప్పుకోలేవో ఏమో మురిసే మనసా

రెప్పనే దాటి రాదే కలలో ఆశ

పొద్దేరాని నిద్దర్లోనే ఉండిపోని నిన్నే చూసే కల కోసం

సర్లే కాని చీకట్లోనే చేరుకోని నువ్వు కోరే అవకాశం

తక్కువేం కాదులే ఈ జన్మలో ఈ వరం

వానలా తాకగానే ఉరిమే మేఘం

వీణలా మోగుతుంది ఎదలో రాగం

స్వాగతం పాడగానే మదిలో మైకం

వచ్చి ఒడి చేరుతుందా ఊహాలోకం

ఉన్నట్టుండి నిన్నట్నుండి రాజయోగం దక్కినంత ఆనందం

అయ్యో పాపం ఎక్కడలేని ప్రేమ రోగం తగ్గదేమో ఏమాత్రం

తానుగా చేరెగా ప్రియమైన ప్రేమాలయం

Nee Sneham - EmO aunEmO

ఏమో ఔనేమో

ఏమో ఔనేమో నిజమేమో నాలో మైమరపే ఋజువేమో

ఏంచేసిందో ఆ చిన్నదీ ప్రేమించేసానందీమది

తన పేరైనా అడగాలన్నా ఎదురుంటేనా

చెప్పమ్మా వెన్నెలమ్మా ఎవ్వరే ఆ జాబిలి

ఒక్కటే ఙాపకం ఆమెతో పరిచయం మబ్బులో మెరుపులా తగలటం

అక్కడే ఆ క్షణం మొదలు ఈ లక్షణం నిద్రలో నడకలా సాగటం

ఆ మెరుపు కంట పడకుంటే తన జంట కలిసి నడవందే

ఈ మరపు వదలనంటుందే ఇంకెలా

చెప్పమ్మా ఓ పావురమా ఆమెతో ఈ సంగతి

ఆమెనే వెతకటం అందుకే బ్రతకటం కొత్తగా ఉన్నదే అనుభవం

ప్రేమనే పిలవటం ప్రేమనే తెలపటం బొత్తిగా నేర్పదీ సతమతం

తన కంటి చూపులో మౌనం చదివేదెలాగ నా హృదయం

తన గుండె గూటిలో నే వాలేదెలా

చెప్పమ్మా కలవరమా ఆమెతో ఈ అలజడి

Manasanta Nuvve - tUnIga tUnIga

తూనీగా తూనీగా

తూనీగా తూనీగా ఎందాకా పరిగెడతావే రావే నా వంక

దూరంగా పోనీక ఉంటాగా నీ వెనకాలే రానీ సాయంగ

ఆ వంక ఈ వంక తిరిగావే ఎంచక్కా

ఇంకానా చాలింక ఇంతేగా నీ రెక్క

ఎగిరేనా ఎప్పటికైనా ఆకాశం దాక

దోసిట్లో ఒక్కో చుక్కా పోగేసి ఇస్తున్నాగా

వదిలేయకు సీతాకోక చిలకలుగా

వామ్మో బాగుందే చిట్కా నాకు నేర్పిస్తే చక్కా

సూర్యుడినే కరిగిస్తాగా చినుకులుగా

సూర్యుడు ఏడి నీతో ఆడి చందమామ అయిపోయాడు

ఆ కొంగలు ఎగిరి ఎగిరి సాయంత్రం గూటికి మళ్ళీ

తిరిగొచ్చే దారిని ఎపుడూ మరిచిపోవెలా

ఓసారటువైపెళుతుంది

మళ్ళి ఇటువైపొస్తుంది

ఈ రైలుకి సొంతూరేదో గురుతు రాదెలా

కూ కూ బండి మా ఊరుంది

ఉండిపోవె మాతో పాటు

Manasanta Nuvve - ceppavE prEma

చెప్పవే ప్రేమా

చెప్పవే ప్రేమా చెలిమి చిరునామా

ఏ వైపు చూసినా ఏమి చేసినా ఎక్కడున్నా

మనసంతా నువ్వే నా మనసంతా నువ్వే

మనసంతా నువ్వే నా మనసంతా నువ్వే

ఇప్పుడే నువ్విలా వెళ్ళావనే సంగతి

గాలిలో పరిమళం నాకు చెబుతున్నది

ఇప్పుడే నువ్విలా వెళ్ళావనే సంగతి

గాలిలో పరిమళం నాకు చెబుతున్నది

ఎపుడో ఒక నాటి నిన్నని వెతికానని ఎవరు నవ్వని

ఇపుడూ నిను చూపగలనని ఇదిగో నా నీడ నువ్వని

నేస్తమా నీకు తెలిపేదెలా

ఆశగా ఉన్నదే ఈ రోజే చూడాలని

గుండెలో ఊసులే నీకు చెప్పాలని

ఆశగా ఉన్నదే ఈ రోజే చూడాలని

గుండెలో ఊసులే నీకు చెప్పాలని

నీ తలపులు చినుకు చినుకుగా దాచిన బరువెంత పెరిగినా

నిను చేరే వరకు ఎక్కడ కరిగించను కంటి నీరుగా

స్నేహమా నీకు తెలిపేదెలా

Okariki Okaru - veLLipOtE elA

వెళ్ళిపోతే ఎలా

వెళ్ళిపోతే ఎలా మనసా ఎటో అలా

అయినా ఎందుకిలా తడబాటు అంతలా

తెగ హుషారుగా ఎగిరిపోకే తగని ఊహ వెంట

సరైన దారి తెలియందే ఈ ఉరుకులెందుకంట

ఆమె వలలో చిక్కుకుందా సమయం

ప్రేమ లయలో దూకుతుందా హృదయం

నేను ఇపుడు ఎక్కడ ఉన్నానంటే

నాక్కూడ అంతు చిక్కకుంటే

గమ్మత్తుగానే ఉన్నదంటే

నాకేదో మత్తు కమ్మినట్టే

రమ్మంది గాని నన్ను చేరి మెరుపు సైగ చేసి

చెప్పింది నింగి చెలిదారి చినుకు వంతెనేసి

వెళ్ళనంటే ఎలా మనసా అటే అలా

వెళ్ళనంటే ఎలా ఎలా

తాను కూడ రాకపోతే నాతో

నేను కూడ ఆగిపోనా తనతో

నా ప్రాణం ఉంది తన వెంటే

నా ఊపిరుంది తాననంటే

కళ్ళార చూసానంటు వుంటే

ఎట్టా నమ్మేది స్వప్నమంటే

వెనక్కి వెళ్ళి వెతకాలి తిరిగి ఆ క్షణాన్ని

మరొక్కసారి చూడాలి కనులు ఆ నిజాన్ని

వెళ్ళనంటే ఎలా మనసా అటే అలా

వెళ్ళనంటే ఎలా ఎలా

Varsham - kOpamA nApaina

కోపమా నాపైన

కోపమా నాపైన ఆపవా ఇకనైనా

అంతగా బుస కొడుతుంటే నేను తాళగలనా

చాలులే నీ నటన సాగవే ఇటుపైనా

ఎంతగా నస పెడుతున్నా లొంగిపోనె లలనా

దరి చేరిన నెచ్చెలిపైన దయ చూపవ కాస్తైన

మన దారులు ఎప్పటికైనా కలిసేనా

కస్సుమని కారంగా కసిరినది చాలింక

ఉరుము వెనుక చినుకు తడిగా కరగవా కనికారంగా

కుదురుగా కడదాక కలిసి అడుగేయవుగా

కనుల వెనుకే కరిగిపోయే కలవి గనుక

నను గొడుగై కాసే నువ్వు పిడుగులు కురిపిస్తావా

నువు గొడుగును ఎగరేస్తావే జడివానా

తిరిగి నిను నాదాక చేర్చినది చెలిమేగా

మనసులోని చెలియవమ్మా చెరిపినా చెరగవుగనుక

సులువుగా నీలాగా మరచిపోలేదింకా

మనసు విలువ నాకు బాగా తెలుసుగనుక

ఎగసే అల ఏనాడైనా తన కడలిని విడిచేనా

వదిలేస్తే తిరిగొచ్చేనా క్షణమైనా

Varsham - mellagA karaganI

మెల్లగా కరగనీ

మెల్లగా కరగనీ రెండు మనసుల దూరం

చల్లగా తెరవనీ కొంటె తలపుల ద్వారం

వలపు వాన దారాలే పంపుతున్నది ఆకాశం

చినుకు పూల హారాలే అల్లుతున్నది మనకోసం

తడిపి తడిపి తనతో నడిపి హరివిల్లుల వంతెన వేసిన శుభవేళ

ఈ వర్షం సాక్షిగా తెలపనీ నువు నాకే సొంతం

ఈ వర్షం సాక్షిగా కలపనీ బంధం

నీ మెలికలలోన ఆ మెరుపును చూస్తున్నా

ఈ తొలకరిలో తళ తళ నాట్యం నీదేనా

ఆ ఉరుములలోన నీ పిలుపును వింటున్నా

ఈ చిటపటలో చిటికెల తాళం నీదేనా

మతిచెడే దాహమై అనుసరించి వస్తున్నా

జతపడే స్నేహమై అనునయించనా

చలి పిడుగుల సడి విని జడిసిన బిడియం తడబడి నిను విడదా

ఏ తెరమరుగైనా ఈ చొరవను ఆపేనా

నా పరువము నీ కనులకు కానుక ఇస్తున్నా

ఏ చిరు చినుకైనా నీ సిరులను చూపేనా

ఆ వరుణునికే ఋణపడిపోనా ఈపైనా

త్వరపడే వయసునే నిలుపలేను ఇకపైనా

విడుదలే వద్దనే ముడులువేయనా

మన కలయిక చెదరని చెలిమికి ఋజువని చరితలు చదివేలా

Varsham - nuvvostAnaMTE nEnoddaMTAnA

నువ్వొస్తానంటే నేనొద్దంటానా

సినుకు రవ్వలు సినుకు రవ్వలు

సిన్నదాని సంబరాల సిలిపి నవ్వులు

పంచవన్నె చిలకలల్లె వజ్జరాల తునకలల్లె

వయసు మీద వాలుతున్న వాన గువ్వలు

ఇన్నాళ్ళకి గుర్తొచ్చానా వానా!

ఎన్నాళ్ళని దాక్కుంటావే పైన

చుట్టంలా వస్తావే చూసెళ్ళిపోతావే

అచ్చంగా నాతోనే నిత్యం ఉంటానంటే

చెయ్యార చేరదీసుకోనా

నువ్వొస్తానంటే నేనొద్దంటానా

ముక్కునులికే ముక్కుపుడకై ఉండిపోవే ముత్యపు చినుకా

చెవులకు చక్కా జూకాల్లాగ చేరుకోవే జిలుగుల చుక్కా

చేతికి రవ్వల గాజుల్లాగ కాలికి మువ్వల పట్టీల్లాగ

మెడలో పచ్చల పతకంలాగ

వగలకు నిగ నిగ నగలను తొడిగేలా

నువ్వొస్తానంటే నేనొద్దంటానా

చిన్ననాటి తాయిలంలా నిన్ను నాలో దాచుకోనా

కన్నె ఏటి సోయగంలా నన్ను నీతో పోల్చుకోనా

పెదవులు పాడే కిళ కిళ లోన

పదములు ఆడే కథకళి లోన

కనులను తడిపే కలతల లోన

నా అణువణువున నువు కనిపించేలా

నువ్వొస్తానంటే నేనొద్దంటానా

Khadgam - musugu veyyoddu

ముసుగు వెయ్యొద్దు

ముసుగు వెయ్యొద్దు మనసు మీద

వలలు వెయ్యొద్దు వయసు మీద

ఎగరనివ్వాలి కుర్రాళ్ళ రెక్కల్ని తూఫాను వేగాలతో

ఎవరి ఆనందం వారిదంటే ఒప్పుకోలేరా

అనుభవించందే తెలియదంటే తప్పు అంటారా

మనసు చెప్పిందే మనకు వేదం కాదనే వారే లేరురా

మనకు తోచిందే చేసి చూద్దాం ఎవరు ఏమంటే ఏంటిరా

సూర్యుడైనా చూపగలడా రేయి చాటున్న రేపుని

చీకటైనా ఆపగలదా వచ్చే కలల్ని వద్దని

తిరిగిపడదా కప్పగలరా ఉరకలేస్తున్న ఆశని

దేవుడైనా చెప్పగలడా సమస్యలనేవి రావని

ఎన్నో అందాలు స్వాగతిస్తూ కళ్ళముందుండగా

అందుకోకుండ ఆగిపోతూ ఉసూరుమంటే ఎలా

ఏ ఉడుకు ఏ దుడుకు ఈ వెన్నక్కి తిరగని పరుగు

ఉండదుగా కడవరకు ఈ వయస్సునిలాగే కరిగిపోనీకు

కొంత కాలం నేలకొచ్చాం అతిధులై ఉండి వెల్లగ

కోటలైనా కొంపలైనా ఏవీ స్థిరాస్థి కాదుగా

కాస్త స్నేహం కాస్త సహనం పంచుకోవచ్చు హాయిగా

అంతకన్నా సొంతమంటూ ప్రపంచపటంలో లేదుగా

నిన్నలేమైనా గుర్తుకొస్తే తీపి అనిపించనీ

ఉన్నకొన్నాళ్ళు గుండె నిండా సరదాలు పండించనీ

నువ్వెవరో నేనెవరో ఈ క్షణాన కలిసి నడిచాం

సావాసం సంతోషం ఇవి అందించి అందరిలో నవ్వు నింపుదాం

Manasanta Nuvve - kiTa kiTa talupulu

కిట కిట తలుపులు

కిట కిట తలుపులు తెరిచిన కనులకు సూర్యోదయం

అటు ఇటు తిరుగుతు అలిసిన మనసుకు చంద్రోదయం

రెండు కలిసి ఒకసారే ఎదురయ్యే వరమా ప్రేమ ప్రేమ

నిన్నిలా చేరే దాక ఎన్నడూ నిదురే రాక

కమ్మని కలలో అయినా నిను చూడలేదే

నువ్విలా కనిపించాక జన్మలో ఎపుడూ ఇంకా

రెప్పపాటైనా లేక చూడాలనుందే

నా కోసమా అన్వేషణ నీడల్లె వెంట ఉండగా

కాసేపిలా కవ్వించవా నీ మధుర స్వప్నమై ఇలా ప్రేమ ప్రేమ

కంట తడి నాడూ నేడూ చెంప తడి నిండే చూడు

చెమ్మలో ఏదో తేడా కనిపించలేదా

చేదు ఎడబాటే తీరి తీపి చిరునవ్వే చేరి

అమృతం అయిపోలేదా ఆవేదనంతా

ఇన్నాళ్ళుగా నీ ఙాపకం నడిపింది నన్ను జంటగా

ఈనాడిలా నా పరిచయం అడిగింది కాస్త కొంటెగా ప్రేమ ప్రేమ

Chakram - jagamaMta kuTumbaM

జగమంత కుటుంబం

జగమంత కుటుంబం నాది ఏకాకి జీవితం నాది

జగమంత కుటుంబం నాది ఏకాకి జీవితం నాది

సంసార సాగరం నాదే సన్యాసం శూన్యం నావే

జగమంత కుటుంబం నాది ఏకాకి జీవితం నాది

కవినై కవితనై భార్యనై భర్తనై

కవినై కవితనై భార్యనై భర్తనై

మల్లెల దారిలో మంచు ఎడారిలో

మల్లెల దారిలో మంచు ఎడారిలో

పన్నీటి జయగీతాల కన్నీటి జలపాతాల

నాతో నేను అనుగమిస్తూ నాతో నేనే రమిస్తూ

వంటరినై అనవరతం కంటున్నాను నిరంతరం

కలల్ని కథల్ని మాటల్ని పాటల్ని

రంగుల్ని రంగవల్లుల్ని కావ్య కన్యల్ని ఆడపిల్లని

మింటికి కంటిని నేనై

కంటను మంటను నేనై

మింటికి కంటిని నేనై

కంటను మంటను నేనై

మంటల మాటున వెన్నెల నేనై

వెన్నెల పూతల మంటను నేనై

రవినై శశినై దివమై నిశినై

నాతో నేను సహగమిస్తూ నాతో నేనే రమిస్తూ

వంటరినై ప్రతినిమిషం కంటున్నాను నిరంతరం

కిరణాల్ని కిరణాల హరిణాల్ని హరిణాల చరణాల్ని చరణాల

చలనాన కనరాని గమ్యాల కాలాన్ని ఇంద్రజాలాన్ని

గాలి పల్లకీలోన తరలి నా పాట పాప ఊరేగి వెడలె

గొంతు వాకిలిని మూసి మరలి తను మూగబోయి నా గుండె మిగిలె

నా హృదయమే నా లోగిలి

నా హృదయమే నా పాటకి తల్లి

నా హృదయమే నాకు ఆలి

నా హృదయములో ఇది సినీవాలి

Chakram - raMgELi hOLi

రంగేళి హోళి

కృష్ణ కృష్ణ కృష్ణ హే రామ రామ రామ

చిన్నా పెద్దా అంతా పండుగ చేయాలంట

తీపి చేదు అంతా పంచి పెట్టాలంట

రంగేళి హోళి హంగామా కేళి

ఎక్కడ నువ్వుంటే అక్కడ జరగాలి

రవ్వల రించోలి సిరి దివ్వెల దీవాలి

ఎప్పుడు రమ్మంటే అప్పుడు రావాలి

పంచాంగం చెబితేగాని పండుగ రానందా

సంతోషంగా గడపడానికో సుముహూర్తం ఉంటుందా

తినేది చేదని తెలిసి అది ఉగాది విందని తలచి

ఇష్టపడే ఆ పూటే అలవాటైతే ప్రతి రోజూ వసంతమౌతుంది

గడపలు అన్నీ జరిపి ఆ గణపతి పండుగ జరిపి

నిమ్మజనంగా జనం జరిపే పయనం నిత్య భాద్రపదమౌతుంది

లోకుల చీకటి తొలగించే శుభసమయం కోసం వెతికే

చూపులు దీపాలుగ జేసే జాగరణే శివరాత్రి

ప్రత్యేకంగా బంధువులొచ్చే రోజొకటుండాలా

చుట్టూ ఇందరు చుట్టాలుంటే సందడిగా లేదా

తల్లుల జోలపదాలై గొల్లల జానపదాలై

నరుడికి గీత పథమై నడవడమంటే అర్ధం కృష్ణ జయంతి

అందరి ఎండకు మనమే పందిరయ్యే లక్షణమే

మనిషితనం అంటారని గుర్తించడమే శ్రీరామ నవమయింది

మనలో మనమే కలహించి మనలో మహిషిని తలపించి

విజయం సాధించే క్షణమే దసరా దశమి అవుతుంది

పదుగురు పంచిన వెచ్చని ఊపిరి భోగి మంటయింది

మది ముంగిలిలో ముగ్గులు వేసే శాంతే సంక్రాంతి

ఒకటి రెండంటూ విడిగా లెక్కెడితే

తొమ్మిది గుమ్మం దాటవు ఎపుడూ అంకెలు ఎన్నంటే

పక్కన నిలబెడుతూ కలుపుకుపోతుంటే

లెక్కలకైనా లెక్కలకందవు సంఖ్యలు ఎన్నంటే

నువ్వు నువ్వుగా నేను నేనుగా ఉన్నామనుకుంటే

కోట్ల ఒకటై ఎవరి ముసుగులో వాళ్ళుంటామంతే

నిన్ను నన్ను కలిపి మనమని అనుకున్నామంటే

ప్రపంచ జనాభా మొత్తం కలిపితే మనిషితనం ఒక్కటే

Khadgam - OMkAra nAdaMtO

ఓంకారనాదంతో

ఓంకారనాదంతో అంకురించిన వేదధాత్రికి సంకేతం ఈ ఖడ్గం

హ్రీంకారనాదంలో సంచరించే ఆదిశక్తికి ఆకారం ఈ ఖడ్గం

యుగయుగాలుగా గమనమాగని ఘనత ఈ ఖడ్గం

తరతరాలుగా తరలి వచ్చిన చరిత ఈ ఖడ్గం

తన కళ్ళ ముందే సామ్రాజ్య శిఖరాలు మన్నుపాలైనా

క్షణమైనా తన గాథ గతములో విడిచి ధ్రుతి ఒడి చేరనిదీ ఖడ్గం

ఊటతో పడమరను దాటి పూర్వార్ధిపై నిత్య ప్రభాతమై వెలుగుతున్నదీ భరత ఖడ్గం

కేవలం ఆయుధం కాదు ఈ ఖడ్గం

ఏదో మహాద్భుతం ఉన్నదీ ఖడ్గం

మూడువన్నెల కేతముగ మింటికి ఎగసి కాలానికెదురేగు యశోరాశి ఈ ఖడ్గం

హరిని ధరపై అవతరించగ గెలుచుకొచ్చిన భక్తి ఖడ్గం

నరునిలో దైవాంశనే దర్శించి కొలిచిన ముక్తిమార్గం

ఆర్తరక్షణకై ధరించిన ధీరగుణమీ ఖడ్గం

ధూర్తశిక్షణకై వహించిన కరకుతనమీ ఖడ్గం

హూంకరించి అహంకరించి అధిక్రమించిన ఆకతాయిల అంతు చూసిన క్షాత్రసత్వం

అస్తమించని అర్థఖడ్గం

శరణుకోరి శిరస్సువంచి సమాశ్రయించిన అన్ని జాతుల పొదువుకున్న ఉదారతత్వం

జగతి మరువని ధర్మఖడ్గం

నిద్దుర మత్తును వదిలించే గెంజాయల జిలుగీ ఖడ్గం

చిక్కటి చీకటి చీల్చుకువచ్చే తెల్లని వెలుగీ ఖడ్గం

మట్టిని చీల్చుకు చిగురించే సిరి పచ్చని చిగురీ ఖడ్గం

గెంజాయల జిలుగీ ఖడ్గం

తెలతెల్లని వెలుగీ ఖడ్గం

సిరిపచ్చని చిగురీ ఖడ్గం

Kalusukovalani - priyA priyA

ప్రియా ప్రియా

ప్రియా ప్రియా అంటూ నా మది

సదా నిన్నే పిలుస్తున్నది

దహించు ఏకాంతమే సహించలేనన్నది

యుగాల ఈ దూరమే భరించలేనన్నది

విన్నానని వస్తానని జవాబు ఇమ్మన్నది

కన్నీళ్ళలో ఎలా ఈదను

నువే చెప్పు ఎదురవని నా తీరమా

నిట్టూర్పుతో ఎలా వేగను

నిజం కాని నా స్వప్నమా హా

ఎలా దాటాలి ఈ ఎడారిని

ఎలా చేరాలి నా ఉగాదిని

క్షణం క్షణం నిరీక్షణం తపించవా స్నేహమా

ప్రియా ప్రియా అంటూ నా మది

సదా నిన్నే పిలుస్తున్నది

-------

ఒకే ఒక క్షణం చాలుగా

ప్రతి కల నిజం చేయగా

యుగాలు కలకాలమా ఇలాగే నూఆగుమా

దయుంచి ఆ దూరమా ఇవాళ ఇటు రాకుమా

ఇదే క్షణం శిలాక్షరం అయ్యేట్టు దీవించుమా

Manmadhudu - nEnu nEnugA lEnE

నేను నేనుగా లేనే

నేను నేనుగా లేనే నిన్న మొన్నలా

లేని పోని ఊహల్లో ఏమిటో ఇలా

ఉన్నపాటుగా ఏదో కొత్త జన్మలా

ఇప్పుడే ఇక్కడే పుట్టినట్టుగా

పూల చెట్టు ఊగినట్టు పాల బొట్టు చిందినట్టు

అల్లుకుంది నా చుట్టు ఓ చిరునవ్వు

తేనె పట్టు రేగినట్టు వీణ మెట్టు ఒణికినట్టు

ఝల్లుమంది గుండెల్లో ఎవరే నువ్వు

నా మనసుని మైమరపున ముంచిన ఈ వాన

మీకెవరికి కనిపించదు ఏమైనా

చుట్టుపక్కలెందరున్నా గుర్తు పట్టలేక ఉన్నా

అంతమంది ఒక్కలాగే కనబడుతుంటే

తప్పు నాది కాదు అన్నా ఒప్పుకోరు ఒక్కరైనా

చెప్పలేని నిజమేదో నాకూ వింతే

కళ్ళను వదిలెళ్ళను అని కమ్మిన మెరుపేదో

చెప్పవ కనురెప్పలకే మాటొస్తే

Sirivennela - chaMdamAma rAvE

చందమామ రావే

చందమామ రావే జాబిల్లి రావే

కొండెక్కి రావే గోగుపూలు తేవే

చందమామ రావే జాబిల్లి రావే

కొండెక్కి రావే గోగుపూలు తేవే

చందమామ రావే జాబిల్లి రావే

చలువ చందనములు పూయ చందమామ రావే

జాజిపూలతావినీయ జాబిల్లి రావే

కలువ చెలువ కలలు విరియ కొండనెక్కి రావే

కలువ చెలువ కలలు విరియ కొండనెక్కి రావే

గగనపు విరితోటలోని గోగుపూలు తేవే

చందమామ రావే జాబిల్లి రావే

కొండెక్కి రావే గోగుపూలు తేవే

మునిజన మానస మోహిని యోగిని బృందావనం

మురళీ రవళికి ఆడిన నాగిని బృందావనం

రాధామాధవ గాధల రంజిల్లు బృందావనం

గోపాలుని మృదుపద మంజీరము బృందావనం

బృందావనం బృందావనం

హే కృష్ణా మురారి

జయ కృష్ణా మురారి

జయ జయ కృష్ణా మురారి

Sirivennela - ee gAli ee nEla

ఈ గాలి ఈ నేల

ఈ గాలి ఈ నేల ఈ ఊరు సెలయేరు

ఈ గాలి ఈ నేల ఈ ఊరు సెలయేరు

ననుగన్న నా వాళ్ళు నా కళ్ళ లోగిళ్ళు

ననుగన్న నా వాళ్ళు నా కళ్ళ లోగిళ్ళు

చిన్నారి గొరవంక కూసేను ఆ వంక

నా రాక తెలిసాక వచ్చేను నా వంక

చిన్నారి గొరవంక కూసేను ఆ వంక

నా రాక తెలిసాక వచ్చేను నా వంక

ఎన్నాళ్ళో గడిచాక ఇన్నాళ్ళకు కలిసాక

ఎన్నాళ్ళో గడిచాక ఇన్నాళ్ళకు కలిసాక

ఉప్పొంగిన గుండెల కేక ఎగసేను నింగిదాక

ఉప్పొంగిన గుండెల కేక ఎగసేను నింగిదాక

ఎగసేను నింగి దాక

ఏనాడు ఏ శిల్పి కన్నాడో ఈ కలను

ఏ ఉలితో ఈ శిలపై నిలిపాడో ఈ కళను

ఏనాడు ఏ శిల్పి కన్నాడో ఈ కలను

ఏ ఉలితో ఈ శిలపై నిలిపాడో ఈ కళను

ఏ వలపుల తలపులతో తెలిపాడో ఈ కథను

ఏ వలపుల తలపులతో తెలిపాడో ఈ కథను

ఈ రాళ్ళే జవరాళ్ళై ఇట నాట్యాలాడేను

ఈ రాళ్ళే జవరాళ్ళై ఇట నాట్యాలాడేను

Sirivennela - aadi bhikshuvu

ఆది భిక్షువు

ఆది భిక్షువు వాడినేది కోరేది

బూడిదిచ్చేవాడినేది అడిగేది

ఏది కోరేది వాడినేది అడిగేది

ఏది కోరేది వాడినేది అడిగేది

తీపి రాగాల ఆ కోకిలమ్మకు నల్లరంగునలమినవాడినేది కోరేది

కరకు గర్జనల మేఘముల మేనికి మెరుపు హంగుకూర్చినవాడినేది అడిగేది

ఏది కోరేది వాడినేది అడిగేది

తేనెలొలికే పూలబాలలకు మూణ్ణాళ్ళ ఆయువిచ్చినవాడినేది కోరేది

బండరాళ్ళను చిరాయువుగ జీవించమని ఆనతిచ్చినవాడినేది అడిగేది

ఏది కోరేది వాడినేది అడిగేది

గిరిబాలతో తనకు కళ్యాణమొనరింప దరిజేరుమన్మధుని మసిచేసినాడు ... వాడినేది కోరేది

వరగర్వమున మూడు లోకాల పీడింప తలపోయుదనుజులను కరుణించినాడు... వాడినేది అడిగేది

ముఖప్రీతి కోరేటి ఉగ్గుశంకరుడు... వాడినేది కోరేది

ముక్కంటి ముక్కోపి... ముక్కంటి ముక్కోపి తిక్కశంకరుడు

ఆది భిక్షువు వాడినేది కోరేది

బూడిదిచ్చేవాడినేది అడిగేది

ఏది కోరేది వాడినేది అడిగేది

Sirivennela - merisE tArala

మెరిసే తారల

మెరిసే తారలదేరూపం విరిసే పూవులదేరూపం

అది నా కంటికి శూన్యం

మనసున కొలువై మమతల నెలవై వెలసిన దేవిది ఈ రూపం

నా కన్నులు చూడని రూపం గుడిలో దేవత ప్రతిరూపం

నీ రూపం అపురూపం

ఎవరి రాకతో గళమున పాటల ఏరువాక సాగేనో

ఆ వసంత మాసపు కులగోత్రాలను ఎల కోయిల అడిగేనా

ఎవరి పిలుపుతో పులకరించి పురివిప్పి తనువు ఊగేనో

ఆ తొలకరి మేఘపు గుణగణాలకై నెమలి వెదుకులాడేనా

ప్రాణం పుట్టుక ప్రాణికి తెలియాలా

గానం పుట్టుక గాత్రం చూడాలా

వెదురును మురళిగ మలచి ఈ వెదురును మురళిగ మలచి

నాలో జీవన నాదం పలికిన నీవే

నా ప్రాణ స్పందన

నీకే నా హృదయ నివేదన

Swati Kiranam - koMDA kOnallO

కొండా కోనల్లో

కొండా కోనల్లో లోయల్లో గోదారి గంగమ్మా సాయల్లో

కొండా కోనల్లో లోయల్లో గోదారి గంగమ్మా సాయల్లో

కోరి కోరి కూసింది కోయిలమ్మ

కోరి కోరి కూసింది కోయిలమ్మ ఈ కోయిలమ్మ

కొండా కోనల్లో లోయల్లో గోదారి గంగమ్మా సాయల్లో

గోదారి గంగమ్మా సాయల్లో

నేల పల్లవి పాడంగా నీలి మబ్బు ఆడంగా

రివ్వున గువ్వే సాగంగా నవ్వే మువ్వై మ్రోగంగా

నేలా పల్లవి పాడంగా నీలి మబ్బు ఆడంగా

రివ్వున గువ్వే సాగంగా నవ్వే మువ్వై మ్రోగంగా

ఉంగా ఉంగా రాగంగా ఉల్లాసాలే ఊగంగా

ఉంగా ఉంగా రారంరంగా ఉల్లాసాలే ఊగంగా

ఊపిరి ఊయలలూగంగా రేపటి ఆశలు తీరంగా

తెనుగుదనం నోరూరంగా తేటగీతి గారాబంగా

తెనుగుదనం నోరూరంగా తేటగీతి గారాబంగా

తెమ్మెరపై ఊరేగంగా వయ్యారంగా

ఝుమ్మని తుమ్మెద తీయంగా కమ్మని రాగం తీయంగా

జాజిమల్లి సంపెంగ జానపదాలే నింపంగా

కమ్మని రాగం తీయంగా జానపదాలే నింపంగా

చెట్టు పుట్ట నెయ్యంగా చెట్టాపట్టాలెయ్యంగా

చెట్టు పుట్ట నెయ్యంగా చెట్టాపట్టాలెయ్యంగా

చిలకా పలుకులు చిత్రంగా చిలికే తేనెలు చిక్కంగా

ఏటి పాట లాలించంగా తోట తల్లి లాలించంగా

ఏటి పాట లాలించంగా తోట తల్లి లాలించంగా

స్వరాలన్ని దీవించంగ సావాసంగ

Murari - alanATi

అలనాటి

అలనాటి రామచంద్రుడికన్నింట సాటి

ఆ పలనాటి బాలచంద్రుడికన్నా అన్నిట మేటి

అనిపించే అరుదైన అబ్బాయికి మనువండి

తెనుగింటి పాల సంద్రము కనిపెంచిన కూన

శ్రీహరి ఇంటి దీపమల్లే కనిపించిన జాణ

అటువంటి అపరంజి అమ్మాయిని కనరండి

చందామామ చందామామ కిందికి చూడమ్మా

ఈ నేల మీది నెలరాజుని చూసి నివ్వెరబోవమ్మా

వెన్నేలమ్మా వెన్నేలమ్మా వన్నెలు చాలమ్మా

మా అన్నులమిన్నకు సరిగా లేవని వెల వెలబోవమ్మా

పుత్తడి బొమ్మకు పుస్తెలు కడుతూ పురుషుడి మునివేళ్ళు

పచ్చని మెడపై వెచ్చగ రాసెను చిలిపి రహస్యాలు

నేలకు జారిన తారకలై ముత్యాల తలంబ్రాలు

ఇద్దరి తలపులు ముద్దగ తడిపిన తుంటరి జలకాలు

అందాల జంట అందరి కంటికి విందులు చేసే సమయాన

కలలకు దొరకని కళకళ జంటని పదిమంది చూడండి

తళతళ మెరిసిన ఆనందపు తడి చూపుల అక్షతలేయండి

సీతారాముల కళ్యాణంలా కనిపిస్తూ ఉన్నా

విరగలేదు ఆ శివుని విల్లు ఈ పెళ్ళి మంటపాన

గౌరీశంకరులేకమైన సుముహూర్తమల్లె ఉన్నా

మరగలేదు మన్మధుని ఒళ్ళు ఈ చల్లని సమయాన

దేవుళ్ళ పెళ్ళి వేడుకలైనా ఇంత ఘనంగా జరిగేనా

అనుకుని కనివిని ఎరుగని పెళ్ళికి జనమంతా రారండి

తదుపరి కబురుల వివరములడుగక బంధువులంతా కదలండి

Swati Kiranam - teli maMchu

తెలిమంచు కరిగింది

తెలిమంచు కరిగింది తలుపు తీయనా ప్రభూ

ఇల గొంతు వణికింది పిలుపునీయనా ప్రభూ

నీ దోవ పొడవునా కువకువల స్వాగతము

నీ కాలి అలికిడికి మెలకువల వందనము

ఈ పూల రాగాల పులకింత గమకాలు

గారాబు కవనాల గాలి సంగతులు

నీ చరణ కిరణాలు పలుకరించిన చాలు

పల్లవించును ప్రభూ పవళించు భువనాలు

భానుమూర్తి! నీ ప్రాణ కీర్తన విని

పలుకని ప్రణతులని ప్రణవ శృతిని

పాడనీ ప్రకృతిని ప్రధమ కృతిని

భూపాల నీ మ్రోల ఈ బేల గానాలు

నీ రాజసానికవి నీరాజనాలు

పసరు పవనాలలో పసికూన రాగాలు

పసిడి కిరణాల పడి పదునుదేరిన చాలు

తలయూర్చు తలిరాకు బహుపరాక్కులు విని

దొరలనీ దోరనగవు దొంతరని

తరలనీ దారి తొలగి రాతిరిని

Swati Kiranam - jAligA jAbilamma

Classmates - bhUgOLaMtO baMtATa

భూగోళంతో బంతాట

భూగోళంతో బంతాట ఆడాలంది మన పాదం

పూబాణంలా అందాలే వేటాడాలంది ప్రాయం

పడిలేస్తూ మనవెనకాలే తడబడిపోతుంటే కాలం

ఆనందోబ్రహ్మ అంది మన వేగం

కథలోకింక అద్భుతం ఎదురయేదాక వెతుకుదాం

పదమందీ నవయవ్వనంలో పసితనం

దొరుకుతుందా అది అడగదే మన నమ్మకం

కలనైనా తరిమేగుణం మన లక్షణం

నిజమైనా కలలాంటిదే మనకీక్షణం

అదుపులోలేని పరుగులం రసతరంగాన ఉరుములం

మనకింకా తెలియదు కద భయమన్నది

పిల్లగాలై ఎదురేగుదాం గగనానికి

ఎగరేద్దాం చిరునవ్వుని నలువైపులా

స్వాగతిస్తాం స్వర్గాలనే మనవైపిలా

Murari - cheppammA cheppammA

చెప్పమ్మా చెప్పమ్మా

చెప్పమ్మా చెప్పమ్మా చెప్పమ్మా చెప్పేసెయ్ అంటోంది ఓ ఆరాటం

తప్పమ్మా తప్పమ్మా తప్పమ్మా ఆగమ్మా అంటోంది ఓ మోమాటం

నువ్వంటే మరి అదేదో ఇది అనేద్దామనే ఉన్నదీ

ఫలానా అని తెలీదే మరి ఎలా నీకు చెప్పాలనీ

వెంట తరుముతున్నావే ఏంటి ఎంత తప్పుకున్నా

కంటికెదురు పడతావే ఏంటి ఎటు చూసినా

చెంపగిల్లి పోతావే ఏంటి గాలివేలితోనా

అంత గొడవ పెడతావే ఏంటి నిద్దరోతు ఉన్నా

అసలు నీకు ఆ చొరవే ఏంటి తెలియకడుగుతున్నా

ఒంటిగా ఉండనీవే ఏంటి ఒక్క నిమిషమైనా

ఇదేం అల్లరి భరించేదెలా అంటూ నిన్నెలా కసరనూ

నువ్వేంచేసినా బాగుంటుందనే నిజం నీకెలాచెప్పనూ

చెప్పమ్మా చెప్పమ్మా చెప్పమ్మా చెప్పేశెయ్ అంటోంది ఓ ఆరాటం

తప్పమ్మా తప్పమ్మా తప్పమ్మా ఆగమ్మా అంటోంది ఓ మోమాటం

నువ్వు నవ్వుతుంటే ఎంతో చూడముచ్చటైనా

ఏడిపించబుద్ధౌతుంది ఎట్టాగైనా

ముద్దుగానే ఉంటవేమో మూతిముడుచుకున్నా

కాస్త కస్సుమనవే ఎంత కవ్వించినా

నిన్ను రెచ్చగొడుతూ నేనే ఓడిపోతు ఉన్నా

లేనిపోని ఉక్రోషంతో ఉడుకెత్తనా

ఇదేం చూడక మహా పోసుగా ఎటో నువ్వు చూస్తూ ఉన్నా

అదేంటో మరి ఆ పొగరే నచ్చి పడిచస్తున్నా అయ్యో రామా

చెప్పమ్మా చెప్పమ్మా చెప్పమ్మా చెప్పేశెయ్ అంటోంది ఓ ఆరాటం

తప్పమ్మా తప్పమ్మా తప్పమ్మా ఆగమ్మా అంటోంది ఓ మోమాటం

నువ్వంటే మరి అదేదో ఇది అనేద్దామనే ఉన్నదీ

ఫలానా అని తెలీదే మరి ఎలా నీకు చెప్పాలనీ